Ózbekstannyń arnaıy orta jáne joǵarǵy bilim mınıstrliginiń qabyldaý komısıalary jumysyna jaýapty qyzmetkeriniń málimdeýinshe, basqarma dinı oqý oryndarynyń tizimin osy ýaqytqa deıin mınıstrlikke tapsyrmaǵan.
Al dinı basqarmadaǵylar bolsa mınıstrlik «zańǵa qaıshy» áreket etip otyr dep esepteıdi. Basqarmadaǵylardyń aıtýynsha, qabyldaý komısıalary medrese túlekteriniń qujattaryn qabyldaý úshin dinı oqý oryndary beretin dıplomnyń ózi jetkilikti bolýy kerek.
Ózbekstan mınıstrler keńsesiniń 2003 jyldyń 22 tamyzyndaǵy qaýlysyna sáıkes, Tashkent ıslam ınstıtýtynyń jáne orta bilim beretin ıslam oqý oryndarynyń dıplomy memlekettik úlgidegi dál osyndaı qujatpen teńestirilgen. Qaýlyda mundaı bilim mekemelerinde bilim standarttary men oqý jospary eskerilgen, sondaı-aq oqýshylardyń dinı jáne zaıyrly bilim alýy qoldanystaǵy memlekettik erejelerge saı keledi.
«QmD» aqparat
