وزبەكستاندىق جوعارى وقۋ ورىندارىنىڭ قابىلداۋ كوميسسيالارى وزبەكستان مۇسىلماندارىنىڭ ءدىني باسقارماسىنا (ءومدب) قاراستى ءدىني ءبىلىم مەكەمەلەرى تۇلەكتەرىنىڭ قۇجاتتارىن قابىلداماي تاستادى. بۇل تۋرالى «وزودليككە» ءبىر توپ مەدرەسە تۇلەگى حابارلادى.

وزبەكستاننىڭ ارنايى ورتا جانە جوعارعى ءبىلىم مينيسترلىگىنىڭ قابىلداۋ كوميسسيالارى جۇمىسىنا جاۋاپتى قىزمەتكەرىنىڭ مالىمدەۋىنشە، باسقارما ءدىني وقۋ ورىندارىنىڭ ءتىزىمىن وسى ۋاقىتقا دەيىن مينيسترلىككە تاپسىرماعان.

ال ءدىني باسقارماداعىلار بولسا مينيسترلىك «زاڭعا قايشى» ارەكەت ەتىپ وتىر دەپ ەسەپتەيدى. باسقارماداعىلاردىڭ ايتۋىنشا، قابىلداۋ كوميسسيالارى مەدرەسە تۇلەكتەرىنىڭ قۇجاتتارىن قابىلداۋ ءۇشىن ءدىني وقۋ ورىندارى بەرەتىن ديپلومنىڭ ءوزى جەتكىلىكتى بولۋى كەرەك.

وزبەكستان مينيسترلەر كەڭسەسىنىڭ 2003 جىلدىڭ 22 تامىزىنداعى قاۋلىسىنا سايكەس، تاشكەنت يسلام ينستيتۋتىنىڭ جانە ورتا ءبىلىم بەرەتىن يسلام وقۋ ورىندارىنىڭ ديپلومى مەملەكەتتىك ۇلگىدەگى ءدال وسىنداي قۇجاتپەن تەڭەستىرىلگەن. قاۋلىدا مۇنداي ءبىلىم مەكەمەلەرىندە ءبىلىم ستاندارتتارى مەن وقۋ جوسپارى ەسكەرىلگەن، سونداي-اق وقۋشىلاردىڭ ءدىني جانە زايىرلى ءبىلىم الۋى قولدانىستاعى مەملەكەتتىك ەرەجەلەرگە ساي كەلەدى.

 

«قمد» اقپارات