Ózbekstan bıyl «Musylman týrızminiń ǵalamdyq ındeksi» dep atalǵan halyqaralyq reıtıńide 16-orynǵa shyqty. Bul pandemıaǵa deıin ólkeniń reıtıńide ıelengen orynnan alty baspaldaqqa joǵary, – dep habarlaıdy Dalanews.kz.

Ózbek úkimetine qarasty din isteri boıynsha komıtet málimetine qaraǵanda, Ózbekstannyń halyqaralyq reıtıńide joǵarylaýyna ólkeniń Islam murasyn jańǵyrtýyna jáne ony halyqaralyq deńgeıge tanytýǵa baǵyttalǵan birqatar jobalary sebep bolǵan.

Ózbekstan 2019 jyly Musylman saıahatynyń ǵalamdyq ındeksinde (Global Muslim Travel Index - GMTI) 22-shi, 2018 jyly 32-orynda bolǵan.

Al Qazaqstan atalmysh reıtıńte 17 orynǵa taban tiredi. Bul biz úshin jaman kórsetkish emes. Buǵan Túrkistan oblysynda týrızmdi damytý baǵytynda atqarylyp jatqan jumystar sebep bolǵany anyq.

Reıtıńini 2015 jyldan beri Sıngapýrdaǵy Crescent agenttigi jasap keledi. Ol álemniń 130 ólkesindegi musylman nysandaryn 40-tan astam ólshemimen baǵalaıdy.