Ózbekstan "Jarnama týraly" zańǵa ózgerister engizbekshi. Zań jobasy birińǵai memlekettik qyzmet kórsetý interaktivti portalynda talqylaý úshin jariialanǵan.
Ortalyq Aziia jańalyqtar qyzmetiniń habarlaýynsha, jańa zań jobasyna sáikes, kommertsiialyq jarnamada erotika belgileri bar qoiylymdarǵa tyiym salynady. Munan bólek, qumar oiyndardyń baǵdarlamalyq qamtamasyz etýin internette paidalanýǵa tyiym salmaqshy.
Sonymen birge zań jobasynda mektep kúndelikterine, dápterlerine jarnamalyq ónimderdi jariialaýǵa tyiym salynady delingen.
Úlkenderge arnalǵan jarnamany balalardyń oiyn alańyna paidalanýǵa ruqsat berilmeidi.
Jarnamada "tek ǵana", "bar bolǵany" degen sózderdi qoldanyp, kámeletke tolmaǵandarǵa taýar baǵasy jóninde burmalanǵan túsinik týǵyzbaýy kerek.
Sonymen qatar jarnamada balalardy kúnine birneshe ret tamaqtanýǵa shaqyratyn jáne negizgi tamaqty jeńil konditerlik ónimdermen almastyrýdy usynýǵa jol berilmeidi.
