Qyrǵyzstan men Ózbekstan arasyndaǵy shekarany delimitatsiialaý týraly kelisim is júzinde júzege asa bastady. Eki memleket Choń-Gara men Tash-Dóbó aýyldaryn Qyrǵyzstannyń qaramaǵyna berý rásimin resmi túrde bastady, dep habarlaidy dalanews.kz.
Qazirgi ýaqytta arnaiy qurylǵan birlesken jumys toby atalǵan aýyldardyń turǵyndaryn tirkeý, qujattaryn rásimdeý, azamattyq berý, sondai-aq múlik pen kóshi-qonǵa qatysty máselelerdi retteýmen ainalysyp jatyr.
Bul eldi mekenderde negizinen etnikalyq qyrǵyzdar turady. Jalpy turǵyndar sany shamamen 2,5 myń adamdy quraidy. Tirkeý jumystary aiaqtalǵannan keiin olardyń barlyǵy Qyrǵyzstan azamattyǵyn alý rásiminen ótedi.
Kelisim aiasynda Qyrǵyzstan Ózbekstanǵa kólemi jaǵynan teń keletin jer telimderin beredi. Bul qadam eki el arasyndaǵy memlekettik shekarany tolyq aiqyndaýǵa jáne ondaǵan jyldar boiy sheshimin tappai kelgen aýmaqtyq máselelerdi retteýge baǵyttalǵan.
Sarapshylardyń pikirinshe, Ortalyq Aziiada shekara máselesi jii daý-damaiǵa sebep bolatynyn eskersek, bul kelisim óńirdegi eń mańyzdy diplomatiialyq jetistikterdiń biri sanalady.
