Basylym málimeti boiynsha, drondar biyl 30 qarashaǵa deiin AQSh-tan Ózbekstanǵa jetkiziledi.
Shephard Defence Insight uiymynyń málimeti boiynsha, onyń jalpy quny 8 million 540 myń dollardy quraidy jáne Ózbekstan bir dronǵa 225 myń dollar tóleidi.
Bul drondordyń qurlyqta jáne teńizde barlaý isterin júrgizýge laiyqtalyp, 15 megapikseldi kameralar arqyly videoǵa túsirip, birden ortalyqqa jetkizýge múmkindigi bar.
Osyǵan deiin qorǵanys ónerkásibi jónindegi memlekettik komitet Ózbekstan Ortalyq Aziiada birinshi bolyp ushqyshsyz ushý apparatty ushyrǵanyn, endi «Lochin» drondary halyqaralyq tehnikalyq talaptarǵa tolyp jaýap beretinin málimdegen.
Komitet málimetinshe, drondar barlaý, qarsy soqqy berý sekildi mindetterdi atqara alady jáne ekonomikanyń basqa tarmaqtarynda da qoldanýǵa bolady.
