Ózbekstan telearnalary eldiń birinshi prezidenti Islam Karimovke Tashkentten, Samarqannan jáne Qarshiden eskertkish ornatady dep habarlady. Prezident Shavkat Mirziiaev jobalarmen jeke tanysyp, memorial keshenin Ózbekstan táýelsizdiginiń 26 jyldyǵyna qarsy aiaqtaýdy buiyrǵan.
Ózbekstannyń «Ahborot» telearnasynda prezident Shavkat Mirziiaevtyń sóilegen sózin kórsetken. Onda Ózbekstan basshysy «Bizdiń halyq jáne álemdik qaýymdastyq Islam Karimovtiń esimin Djordj Vashington, Sharl de Goll jáne Mustafa Kemal Atatúrik sekildi birtýar memlekettik jáne saiasi tulǵalarmen qatar qoiady» degen.
Resmi habarlamada aitylǵandai, Ózbekstan táýelsizdiginiń 26 jyldyǵy qarsańynda Tashkenttegi birinshi prezident otyrǵan Aqsarai rezidentsiiasy aldynda eskertkish ornatylyp, ǵylymi-aǵartý memoriial kesheni ashylady. Sol sekildi Samarqan qalasynyń ortalyǵy men Karimovtiń eńbek joly bastalǵan Qarshi qalasyndaǵy saiabaqta tuńǵysh prezidenttiń músini ornatylady.
Byltyr Resei prezidenti Vladimir Pýtin de Islam Karimovke Máskeýden eskertkish salynatynyn aitqan. Ol Máskeý qalalyq dýmasynyń sheshimi boiynsha, Bolshaia Polianka kóshesindegi saiabaqtan oryn tebetin boldy. Túrkimenstanda alań men saiabaqqa Islam Karimovtiń esimi berildi. Ol 2016 jyldyń 2 qyrkúieginde 78 jasynda miyna qan ketip qaitys boldy. Samarqandaǵy qabiri búginde qurmet kórsetý ornyna ainalǵan.
