Osy oraıda Sháýildirde oryn alatyn ózgeristerge qatysty tyń málimet tapty.
Bunda qazir 200 jeke turǵyn úıge ınfraqurylym tartylǵan. Bolashaqta barlyǵy 550 úı salynady dep josparlanýda.
Qazir alǵashqy 24 páterli 2 úıdiń qurylysy júrip jatyr. Joba quny –311 mln teńge. Turǵyn úıler jyl sońyna deıin paıdalanýǵa beriledi.
2-3 bólmeli jańa baspanalarǵa negizinen agronom, ınjener, muǵalim, dáriger sıaqty aýdanǵa asa qajetti mamandar jaıǵasady. Budan bólek ál-Farabı móltek aýdanynda da 24 páterli 2 turǵyn úı salynýda. 1 bólmeli páterler negizinen jas otbasylarǵa beriledi. Oǵan qazynadan 137 mln teńge qarjy bólingen. Qurylys jumystary 1 qyrkúıekke deıin tolyq aıaqtalady dep kútilýde.
Sondaı-aq kelesi jyly Sháýildirdegi jańa móltek aýdanda taǵy da dál osyndaı kóppáterli 4 turǵyn úı men 2 páterli 31 úıdiń qurylysy bastalady dep josparlanyp otyr.
Ábdiǵalı Júnisov, Otyrar aýdany ákiminiń orynbasary:
– Bundaǵy maqsatymyz – sol elge qajetti medısına qyzmetkerler men bilim salasyndaǵy muǵalimderdi, mal sharýashylyǵyna veterınarlar, agronom sıaqty aýyl sharýashylyǵyna qajetti mamandardy turaqtandyryp, eldi mekendegi áleýmettik, ekonomıkalyq máselelerdi kóterýge septigin tıgizedi degen mamandarǵa qajettilikti túbegeıli sheshý.
