14 qyrkúiekten bastap Otbasy bank turǵyn úige muqtaj azamattardyń esebinde turǵan adamdarǵa túgendeý júrgize alady. Ol úshin azamattardan derbes derekterdi jinaýǵa jáne óńdeýge bólek kelisim alý talap etilmeidi. Mundai ózgeris zańnamaǵa engizildi, dep habarlaidy dalanews.kz.
Bank kezekte turǵan azamattardyń otbasy quramyn, atynda jyljymaityn múliktiń bar-joǵyn jáne esepte turý quqyǵyna áser etetin ózge de málimetterin tekseredi.
Buǵan deiin mundai tekserý júrgizý úshin azamattyń jeke kelisimi qajet bolǵan. Alaida keibir adamdar kelisim bermegendikten, olar týraly aqparatty tolyq tekserý múmkin bolmaǵan.
"Azamattardyń bir bóligi mundai kelisimdi usynbady. Sonyń saldarynan olar týraly málimetterge tolyqqandy tekserý júrgizý múmkin bolmady", – dep túsindirdi bank ókilderi.
Tekserý kezinde azamattyń atynda baspana bary nemese onyń turǵyn úige muqtaj retinde esepte turý talaptaryna sáikes kelmeitini anyqtalsa, ol kezekten shyǵarylýy múmkin.
Al turǵyn úige shynymen muqtaj jáne belgilengen talaptarǵa sai keletin azamattarǵa qosymsha áreket jasaýdyń qajeti joq.
