Birjolǵy zeınetaqy tólemderine arnalǵan arnaıy shot – Qazaqstan Respýblıkasynyń Úkimeti belgileıtin ýákiletti operatorynda turǵyn úı jaǵdaıyn jaqsartý jáne (nemese) emdelý maqsattaryna biryńǵaı jınaqtaýshy zeınetaqy qorynan birjolǵy zeınetaqy tólemderin aýdarý úshin alýshymen ashylatyn aǵymdaǵy bank shoty.
"Otbasy Bank" AQ-nyń klıenti bolyp tabylmaıtyn zeınetaqy qorynyń salymshylaryna arnaıy aǵymdaǵy shottar ashý úshin:
· JSSB24 mobıldi qosymshasyn júktep, qurylǵyńyzǵa qondyrý qajet (IOS jáne Android).
· Qosymshanyń basty betiniń tómengi jaǵyndaǵy "Birjolǵy zeınetaqy tólemi úshin shot ashý" pernesin basyńyz.
· Sosyn qoldanystaǵy uıaly telefon nómirin jáne JSN engizińiz.
· Uıaly telefon nómirińizge kody bar SMS jiberiledi.
· Kelgen kodty engizińiz
· Skanerleý úshin jeke kýáligińizdi daıyndap qoıyńyz.
· Endi ózińizdi kýálandyrý qajet. Ekranǵa qarap, qıyn emes birneshe is-áreketti oryndańyz.
· Verıfıkasıadan sátti ótkennen keıin klıent saýalnamasyndaǵy jeke derekterdi toltyryńyz.
· Derekterdi ózgertýge arnalǵan ótinishpen, Banktiń standartty talaptarymen jáne birjolǵy zeınetaqy tólemi úshin shot ashý týraly ótinishpen tanysyńyz.
· Bul áreket rastalý úshin sizdiń nómirińizge kody bar SMS jiberiledi, kelgen kodty engizińiz.
· Ári qaraı, ınternet-bankıngke kirý úshin paról oılap taýyp, engizińiz. Mobıldi qosymshaǵa jyldam kirý úshin 4 sannan turatyn passkodty oılap taýyp, engizińiz.
· Birjolǵy zeınetaqy tólemi aýdarylatyn arnaıy aǵymdaǵy shot ashyldy!
"Otbasy bank" klıentteri úshin arnaıy shot onlaın-platformada birjolǵy zeınetaqy tólemderin paıdalaný týraly ótinish berý barysynda ashylady. Platforma birjolǵy zeınetaqy tólemderin paıdalaný erejeleri bekitilgennen keıin iske qosylady.
Sondaı-aq arnaıy shotty "Otbasy Bank" AQ saıtyndaǵy beıne qońyraý qyzmeti arqyly da ashýǵa bolady.
Arnaıy shot ashý operasıasy dúısenbiden senbige deıin (qosa alǵanda), 9:00-den 21:00-ge deıin bolady.
Búgin biz BJZQ salymshylaryna maqsattaryna bir qadam jaqyndap, arnaıy shotty onlaın ashýdy usynamyz. Bul birjolǵy zeınetaqy tólemderin paıdalanýǵa ótinish bergen kezde, turǵyndarymyzdyń ýaqytyn únemdeýge múmkindik beredi, - dedi banktiń basqarma tóraıymy, Lázzat Ibragımova.
"Otbasy Bank" ýákiletti operator retinde zeınetaqy jınaqtary aýdarylatyn arnaıy aǵymdaǵy shottardy ashýǵa jáne júrgizýge, sondaı-aq BJZQ-dan zeınetaqy tólemderin aýdarýǵa baılanysty agenttik qyzmetter kórsetkeni úshin komısıa almaıdy.
