ءبىرجولعى زەينەتاقى تولەمدەرىنە ارنالعان ارنايى شوت – قازاقستان رەسپۋبليكاسىنىڭ ۇكىمەتى بەلگىلەيتىن ۋاكىلەتتى وپەراتورىندا تۇرعىن ءۇي جاعدايىن جاقسارتۋ جانە (نەمەسە) ەمدەلۋ ماقساتتارىنا ءبىرىڭعاي جيناقتاۋشى زەينەتاقى قورىنان ءبىرجولعى زەينەتاقى تولەمدەرىن اۋدارۋ ءۇشىن الۋشىمەن اشىلاتىن اعىمداعى بانك شوتى.
"وتباسى بانك" اق-نىڭ كليەنتى بولىپ تابىلمايتىن زەينەتاقى قورىنىڭ سالىمشىلارىنا ارنايى اعىمداعى شوتتار اشۋ ءۇشىن:
· جسسب24 ءموبيلدى قوسىمشاسىن جۇكتەپ، قۇرىلعىڭىزعا قوندىرۋ قاجەت (IOS جانە Android).
· قوسىمشانىڭ باستى بەتىنىڭ تومەنگى جاعىنداعى "ءبىرجولعى زەينەتاقى تولەمى ءۇشىن شوت اشۋ" پەرنەسىن باسىڭىز.
· سوسىن قولدانىستاعى ۇيالى تەلەفون ءنومىرىن جانە جسن ەنگىزىڭىز.
· ۇيالى تەلەفون نومىرىڭىزگە كودى بار SMS جىبەرىلەدى.
· كەلگەن كودتى ەنگىزىڭىز
· سكانەرلەۋ ءۇشىن جەكە كۋالىگىڭىزدى دايىنداپ قويىڭىز.
· ەندى ءوزىڭىزدى كۋالاندىرۋ قاجەت. ەكرانعا قاراپ، قيىن ەمەس بىرنەشە ىس-ارەكەتتى ورىنداڭىز.
· ۆەريفيكاسيادان ءساتتى وتكەننەن كەيىن كليەنت ساۋالناماسىنداعى جەكە دەرەكتەردى تولتىرىڭىز.
· دەرەكتەردى وزگەرتۋگە ارنالعان وتىنىشپەن، بانكتىڭ ستاندارتتى تالاپتارىمەن جانە ءبىرجولعى زەينەتاقى تولەمى ءۇشىن شوت اشۋ تۋرالى وتىنىشپەن تانىسىڭىز.
· بۇل ارەكەت راستالۋ ءۇشىن ءسىزدىڭ نومىرىڭىزگە كودى بار SMS جىبەرىلەدى، كەلگەن كودتى ەنگىزىڭىز.
· ءارى قاراي، ينتەرنەت-بانكينگكە كىرۋ ءۇشىن پارول ويلاپ تاۋىپ، ەنگىزىڭىز. ءموبيلدى قوسىمشاعا جىلدام كىرۋ ءۇشىن 4 ساننان تۇراتىن پاسسكودتى ويلاپ تاۋىپ، ەنگىزىڭىز.
· ءبىرجولعى زەينەتاقى تولەمى اۋدارىلاتىن ارنايى اعىمداعى شوت اشىلدى!
"وتباسى بانك" كليەنتتەرى ءۇشىن ارنايى شوت ونلاين-پلاتفورمادا ءبىرجولعى زەينەتاقى تولەمدەرىن پايدالانۋ تۋرالى ءوتىنىش بەرۋ بارىسىندا اشىلادى. پلاتفورما ءبىرجولعى زەينەتاقى تولەمدەرىن پايدالانۋ ەرەجەلەرى بەكىتىلگەننەن كەيىن ىسكە قوسىلادى.
سونداي-اق ارنايى شوتتى "وتباسى بانك" اق سايتىنداعى بەينە قوڭىراۋ قىزمەتى ارقىلى دا اشۋعا بولادى.
ارنايى شوت اشۋ وپەراسياسى دۇيسەنبىدەن سەنبىگە دەيىن (قوسا العاندا)، 9:00-دەن 21:00-گە دەيىن بولادى.
بۇگىن ءبىز بجزق سالىمشىلارىنا ماقساتتارىنا ءبىر قادام جاقىنداپ، ارنايى شوتتى ونلاين اشۋدى ۇسىنامىز. بۇل ءبىرجولعى زەينەتاقى تولەمدەرىن پايدالانۋعا ءوتىنىش بەرگەن كەزدە، تۇرعىندارىمىزدىڭ ۋاقىتىن ۇنەمدەۋگە مۇمكىندىك بەرەدى، - دەدى بانكتىڭ باسقارما ءتورايىمى، ءلاززات يبراگيموۆا.
"وتباسى بانك" ۋاكىلەتتى وپەراتور رەتىندە زەينەتاقى جيناقتارى اۋدارىلاتىن ارنايى اعىمداعى شوتتاردى اشۋعا جانە جۇرگىزۋگە، سونداي-اق بجزق-دان زەينەتاقى تولەمدەرىن اۋدارۋعا بايلانىستى اگەنتتىك قىزمەتتەر كورسەتكەنى ءۇشىن كوميسسيا المايدى.
