"Otbasy bank" buryn Dariǵa Nazarbaevamen bailanystyrylǵan Astanadaǵy "Dýman" qonaqúi keshenin satyp aldy. Nysan banktiń bas keńsesin kóshirý úshin alynǵan, dep habarlaidy Dalanews.kz.
Bul týraly Úkimettegi brifingte "Báiterek" holdingi basqarma tóraǵasy Rýstam Qaraǵoishin málimdedi. Onyń aitýynsha, bul banktiń bas keńse jumysyn Astanada shoǵyrlandyrýǵa jáne ǵimaratty óz qajettiligine beiimdep paidalanýǵa múmkindik beredi.
"Dýman" qonaqúii - memleketke qaitarylǵan aktiv. Ony aýktsion arqyly satpaq bolǵan, alaida usynylǵan baǵa satyp alýshylardy qanaǵattandyrmaǵan. Ǵimarattyń aýmaǵy men basqa da parametrleri "Otbasy bankine" sáikes keldi, sebebi bankke arnaiy tehnikalyq múmkindikter qajet. Bank zańnamaǵa sáikes konkýrsqa qatysyp, nysandy satyp aldy jáne qarajatty memleketke aýdardy. Nátijesinde bul qarajat qaita memleketke tústi", - dedi ol.
