Jyl saiyn elimizde «Otbasy bank» AQ baǵdarlamalary arqyly qutty qonysyna qol jetkizgen qazaqstandyqtar qatary artyp keledi. Taiaýda olardyń sapyna Mańǵystaý oblysynyń bir top azamaty da qosyldy. Bul óńirdiń jurtshylyǵy bank usynǵan baǵdarlamalar arqyly páter kiltterin qolǵa aldy.
Sondai baqytqa bólengen jandardyń biri - Tańsulý Abataeva. Ol segiz jyl boiy bastaýysh synyp oqýshylaryn bilim nárimen sýsyndatyp júrgen ardaqty ustaz, kópbalaly ana.
«Joldasym jeke menshik kompaniiada órt sóndirý tehnikasynyń júrgizýshisi bolyp jumys isteidi. Ata-enemen turyp, úsh ul men bir qyzdy tárbielep otyrmyz. Balalarymyzdyń bolashaǵy úshin páter alýdy oilastyryp, osydan eki jyl buryn «Otbasy bankinde» shot ashqan edik. Ótken jyldyń sońynda «Mańǵystaý jastary» baǵdarlamasy týraly bilip, qujattar tapsyrdym. Sáti túsip, ótinishim maquldandy. Sóitip, eki bólmeli páter iesi atandyq.
Baǵdarlamanyń basym tusy - bastapqy jarnanyń nebary 10% bolýy. Bul - jastar úshin kóp kómek. Jyldyq paiyzdyq mólsherleme de tómen. Eki bólmeli páter úshin ai saiyn 105 myń teńge tóleimiz. Salystyrar bolsaq, Jańaózende úidi jalǵa alýdyń aqysy - keminde 160 myń teńge. Demek, baǵdarlamaǵa qatysýshylar úshin utymdy tusy kóp»,-deidi jas ustaz.
Jastarǵa arnalǵan jobany júzege asyrý úshin jergilikti ákimdik 500 mln teńge bóldi. «Otbasy bank» AQ da osyndai kólemdegi qarjy qarastyrdy. Sol arqyly jastar Aqtaý qalasynan úi alý úshin 15 mln teńge, Jańaózende baspanaly bolý maqsatynda 10 mln teńgege deiin nesie resimdei alady. Jyldyq paiyzdyq mólsherleme 6% (JTSM 6,2% dan 6,6% deiin),bastapqy jarna bar-joǵy 10% bolady.
«Otbasy bankpen» birlesip jastar úshin qolǵa alynǵan baǵdarlama Astana, Almaty qalalary men Almaty, Qaraǵandy, Qostanai, Jambyl, Abai, Ulytaý, Pavlodar oblystaryn da qamtidy. Bul rette 18 ben 35 jas aralyǵyndaǵy 1 millionnan astam qazaqstandyq turǵyn úi alý úshin jinaq shotyn ashqanyn atap ótý kerek. Sol arqyly ustaz, dáriger, mádeniet pen sport qyzmetkerleri, JOO oqytýshylary men ǵylymi qyzmetkerler, áleýmettik sala, azamattyq qorǵanys, aýyl sharýashylyǵynda qyzmet etetin jastar tiimdi jolmen qalaǵan úiin ala alady.
Al jumysshy mamandyq ókilderi úshin «Naýryz Jumysker» baǵdarlamasy qolaily. Ol energetika, óndiris, qurylys, kólik syndy salalarda eńbek etip júrgen jandarǵa baǵyttalǵan. Jumysshy mamandyqtar jyly aiasynda iske qosylǵan baǵdarlama arqyly eki myńǵa jýyq qyzmetker qonys toiyn toilap úlgerdi.
Baǵdarlama Mańǵystaý oblysynda da sátti iske asýda. Aitalyq, Jańaózen qalasyndaǵy «Ózeninvest» kommýnaldyq mekemesinde 10 jyldan beri sý resýrstaryn baqylaý jáne esepteý bóliminiń shikizat inspektory qyzmetin atqaryp júrgen Ainur Seiitjanqyzy atalmysh baǵdarlama boiynsha qalanyń qaq ortasynan jańa eki bólmeli páter satyp aldy.
«Joldasym ekeýimiz jeke úiimiz bolǵanyn qalap, 2021 jyly «Otbasy bankte» shot ashtyq.Biyl banktiń áleýmettik jelidegi paraqshasynan «Naýryz Jumysker» (7 % JTSM 7,1% dan 9,6% ǵa deiin. 9% JTSM 9.4% dan 13% ǵa deiin) baǵdarlamasy týraly bilip, tiisti qujattardy tapsyrdym. Barlyq talapqa sai kelip, armanymyz oryndaldy. Jańadan salynǵan zamanaýi úiden eki bólmeli páter buiyrdy. Atap óter jait, men turǵyn úi kezeginde turǵan bes balanyń anasy bolǵandyqtan, nesie 7%-dyq mólsherlememen ǵana berildi. Oǵan qosa, Mańǵystaý oblysynyń ákimdigi 1 million teńgelik turǵyn úi sertifikatyn tabystady. Bul kópbalaly otbasymyzǵa zor qoldaý boldy»,- deidi Ainur Seiitjanqyzy.
Jańaózendik Qanaǵat Súesinov te «Naýryz Jumysker» baǵdarlamasynyń igiligin kórdi. Osydan birneshe jyl buryn munai salasynda eńbek jolyn bastaǵan ol birden bes bólmeli páter iesi atandy.
«Ár bala ata-anasynyń úmitin aqtap, olardy qýantýdy qalaidy dep oilaimyn. Men de áriptesimnen «Naýryz Jumysker» baǵdarlamasy týraly estigen soń úi alýdy oilastyrdym. Shyny kerek, jumysqa taiaýda ǵana ornalasqandyqtan, qomaqty soma jinalǵan shotym bolǵan joq. Bul baǵdarlamanyń basym tusy sol, tez arada baspana alýǵa múmkindik bar. Nebary úsh-tórt aidyń aralyǵynda aqsha jinap, «Otbasy banktegi» shotymdy qajetti somaǵa toltyrdym. Sol arqyly 20 mln teńgeniń páterin alý úshin 10 jylǵa ipotekalyq nesie aldym. Onyń basqa bankterge qaraǵanda paiyzy da aitarlyqtai tómen. Nebary 9%-dyq mólsherlememen (JTSM 9.4% dan 13% ǵa deiin) esepteldi. Buǵan deiin ata-anammen eki bólmeli páterde tursaq, endi bes bólmeli baspanaǵa jaiǵastyq. Ákem men anamnyń qýanyshynda shek joq. Bizdi osyndai baqytqa bólegen «Otbasy bankke» aitar alǵysym zor»,-dep túiindedi jas maman.
«Otbasy bank» Jańaózen qalasynda óz klientteri úshin uiymdastarǵan keń aýqymdy Open Air sharasynda maqsatyna jetken mańǵystaýlyqtardy quttyqtady. Olardyń qatarynda keiipkerlerimiz de bar. Ashyq aspan astynda ótken aitýly sharaǵa 800-den astam adam jinaldy. Olarǵa bank ónimderiniń túri-túri tanystyrylyp, tanymal estarada juldyzdary óz ónerlerin pash etti.. Aldaǵy ýaqytta osy sharaǵa kýá bolǵan turǵyndar da bank baǵdarlamalarynyń qatysýshylary qataryna qosylyp, qonys toiyn toilaidy degen úmittemiz.
