2025 jyldyń 2 shildesinen bastap "Otbasy bank" AQ-nyń ("Báiterek" holdinginiń enshiles uiymy) ónim jelisi sharttarynda ózgerister kúshine enedi. Jańartýlar turǵyn úi qurylys jinaqtary (TQJ) júiesi sheńberinde resimdelgen aldyn ala jáne aralyq turǵyn úi zaemdaryn merziminen buryn tolyq óteýge qatysty.
Endi joǵaryda kórsetilgen qaryzdar tolyq merziminen buryn ótelgen jaǵdaida:
• qaryzǵa bailanǵan depozittegi jinaqtar avtomatty túrde negizgi borysh qaldyǵyn óteý esebine jiberiletin bolady;
* mindetti túrde turǵyn úi qurylysy jinaqtary týraly shart buzylady;
* jańa zaem resimdeý úshin jańa depozit ashý ne buryn berilgen qaryzǵa bailanbaǵan ózge qoldanystaǵy depozitti paidalaný qajet bolady.
Jańashyldyq uzaq merzimdi jinaqtardy kótermeleýge jáne turǵyn úi nesielerin berý úshin turaqty qarjy qoryn qalyptastyrýǵa negizdelgen TQJ júiesiniń irgeli qaǵidattaryn saqtaý qajettiligimen negizdeledi.
TQJ júiesi ózara qoldaý qaǵidaty boiynsha jumys isteidi: keibir salymshylardyń jarnalary esebinen basqalary qol jetimdi zaem resimdeýge múmkindik alady – jyldyq 3,5%-dan (JTSM 3,6%-dan 4,4%-ǵa deiin) jyldyq 8,5%-ǵa deiin (JTSM 9%-dan 9,6%-ǵa deiin). Iaǵni, keibir salymshylar jinaq jasap jatqanda, basqalary sonyń arqasynda eń tómengi mólsherlemeler boiynsha qaryz ala alady. Jańa salymdardyń turaqty aǵyny qarajatty bólýdiń turaqtylyǵyn, ádildigin qamtamasyz etedi jáne azamattardyń keń aýqymy úshin turǵyn úi qaryzdarynyń qoljetimdiligin keńeitedi.
Bul salymshylar úshin neni bildiredi?
Buryn aldyn ala nemese aralyq zaem alǵan klientter is júzinde turǵyn úi jaǵdailaryn jaqsartý boiynsha óz maqsattaryn júzege asyrdy. 2025 jyldyń 2 shildesinen bastap zaemdy tolyq merziminen buryn óteý kezinde qaryzdy óteý esebine depozittegi jinaqtardy paidalaný jáne depozitti keiinnen jabý mindetti shart bolady. Bul TQJ júiesiniń barlyq qatysýshylary úshin teń jáne ashyq jaǵdailardy qamtamasyz etedi.
Otbasy bank turǵyn úi qurylys jinaqtary júiesiniń turaqtylyǵyn qamtamasyz etý, resýrstardy ádil bólý jáne qazaqstandyqtar úshin qoljetimdi turǵyn úi kreditin berý arqyly olardy qoldaýjumystaryn jalǵastyrýda.
"Otbasy bank" turǵyn úi qurylys jinaq banki" AQ — elimizdegi turǵyn úi qurylys jinaq júiesin júzege asyratyn birden-bir bank. Uiym Eýropalyq qurylys jinaq kassalary federatsiiasyna (EQJKF) jáne Halyqaralyq turǵyn úidi qarjylandyrý odaǵyna kiredi. 2022 jyly bank Ulttyq ESG klýbynyń negizin qalaýshylardyń biri boldy. Bankiniń jalǵyz aktsioneri – "Báiterek" Ulttyq basqarýshy holdingi" AQ.
