2025 جىلدىڭ 2 شىلدەسىنەن باستاپ "وتباسى بانك" اق-نىڭ ("بايتەرەك" حولدينگىنىڭ ەنشىلەس ۇيىمى) ءونىم جەلىسى شارتتارىندا وزگەرىستەر كۇشىنە ەنەدى. جاڭارتۋلار تۇرعىن ءۇي قۇرىلىس جيناقتارى (تقج) جۇيەسى شەڭبەرىندە رەسىمدەلگەن الدىن الا جانە ارالىق تۇرعىن ءۇي زاەمدارىن مەرزىمىنەن بۇرىن تولىق وتەۋگە قاتىستى.
ەندى جوعارىدا كورسەتىلگەن قارىزدار تولىق مەرزىمىنەن بۇرىن وتەلگەن جاعدايدا:
• قارىزعا بايلانعان دەپوزيتتەگى جيناقتار اۆتوماتتى تۇردە نەگىزگى بورىش قالدىعىن وتەۋ ەسەبىنە جىبەرىلەتىن بولادى؛
* مىندەتتى تۇردە تۇرعىن ءۇي قۇرىلىسى جيناقتارى تۋرالى شارت بۇزىلادى؛
* جاڭا زاەم رەسىمدەۋ ءۇشىن جاڭا دەپوزيت اشۋ نە بۇرىن بەرىلگەن قارىزعا بايلانباعان وزگە قولدانىستاعى دەپوزيتتى پايدالانۋ قاجەت بولادى.
جاڭاشىلدىق ۇزاق مەرزىمدى جيناقتاردى كوتەرمەلەۋگە جانە تۇرعىن ءۇي نەسيەلەرىن بەرۋ ءۇشىن تۇراقتى قارجى قورىن قالىپتاستىرۋعا نەگىزدەلگەن تقج جۇيەسىنىڭ ىرگەلى قاعيداتتارىن ساقتاۋ قاجەتتىلىگىمەن نەگىزدەلەدى.
تقج جۇيەسى ءوزارا قولداۋ قاعيداتى بويىنشا جۇمىس ىستەيدى: كەيبىر سالىمشىلاردىڭ جارنالارى ەسەبىنەن باسقالارى قول جەتىمدى زاەم رەسىمدەۋگە مۇمكىندىك الادى – جىلدىق 3،5%-دان (جتسم 3،6%-دان 4،4%-عا دەيىن) جىلدىق 8،5%-عا دەيىن (جتسم 9%-دان 9،6%-عا دەيىن). ياعني، كەيبىر سالىمشىلار جيناق جاساپ جاتقاندا، باسقالارى سونىڭ ارقاسىندا ەڭ تومەنگى مولشەرلەمەلەر بويىنشا قارىز الا الادى. جاڭا سالىمداردىڭ تۇراقتى اعىنى قاراجاتتى ءبولۋدىڭ تۇراقتىلىعىن، ادىلدىگىن قامتاماسىز ەتەدى جانە ازاماتتاردىڭ كەڭ اۋقىمى ءۇشىن تۇرعىن ءۇي قارىزدارىنىڭ قولجەتىمدىلىگىن كەڭەيتەدى.
بۇل سالىمشىلار ءۇشىن نەنى بىلدىرەدى؟
بۇرىن الدىن الا نەمەسە ارالىق زاەم العان كليەنتتەر ءىس جۇزىندە تۇرعىن ءۇي جاعدايلارىن جاقسارتۋ بويىنشا ءوز ماقساتتارىن جۇزەگە اسىردى. 2025 جىلدىڭ 2 شىلدەسىنەن باستاپ زاەمدى تولىق مەرزىمىنەن بۇرىن وتەۋ كەزىندە قارىزدى وتەۋ ەسەبىنە دەپوزيتتەگى جيناقتاردى پايدالانۋ جانە دەپوزيتتى كەيىننەن جابۋ مىندەتتى شارت بولادى. بۇل تقج جۇيەسىنىڭ بارلىق قاتىسۋشىلارى ءۇشىن تەڭ جانە اشىق جاعدايلاردى قامتاماسىز ەتەدى.
وتباسى بانك تۇرعىن ءۇي قۇرىلىس جيناقتارى جۇيەسىنىڭ تۇراقتىلىعىن قامتاماسىز ەتۋ، رەسۋرستاردى ءادىل ءبولۋ جانە قازاقستاندىقتار ءۇشىن قولجەتىمدى تۇرعىن ءۇي كرەديتىن بەرۋ ارقىلى ولاردى قولداۋجۇمىستارىن جالعاستىرۋدا.
"وتباسى بانك" تۇرعىن ءۇي قۇرىلىس جيناق بانكi" اق — ەلىمىزدەگى تۇرعىن ءۇي قۇرىلىس جيناق جۇيەسىن جۇزەگە اسىراتىن بىردەن-بىر بانك. ۇيىم ەۋروپالىق قۇرىلىس جيناق كاسسالارى فەدەراسياسىنا (ەقجكف) جانە حالىقارالىق تۇرعىن ءۇيدى قارجىلاندىرۋ وداعىنا كىرەدى. 2022 جىلى بانك ۇلتتىق ESG كلۋبىنىڭ نەگىزىن قالاۋشىلاردىڭ ءبىرى بولدى. بانكىنىڭ جالعىز اكسيونەرى – "بايتەرەك" ۇلتتىق باسقارۋشى حولدينگى" اق.
