Zaýyt jumysshylary kezdesý barysynda qorǵanys ónerkásibi týraly salalyq zańdaǵy memlekettik qorǵanys tapsyrysyn alýǵa bailanysty áleýetti organdar tarapynan týyndaityn problemalyq máselelerdi kóterdi.
Senatorlar óz kezeginde otandyq qorǵanys kásiporyndaryn keshendi damytý qajettigin atap ótti. Olardyń ónimderi básekege qabiletti jáne bizdiń áskerimiz ǵana emes, aimaqtaǵy basqa memleketterdiń tarapynan da moiyndalýy tiis.
– Memleket basshysy Qasym-Jomart Kemeluly Toqaev jahandyq shielenis óse túsken kezde Qazaqstanǵa Qarýly Kúshterdi keshendi jáne júieli damytý men olardyń jaýyngerlik ázirligin qajetti deńgeide ustap turýdy qamtamasyz etý qajet ekenin birneshe ret atap ótken bolatyn. Sondyqtan elimiz Prezidentiniń bul tapsyrmasyn iske asyrý kóbinese otandyq qorǵanys-ónerkásip kesheniniń bizdiń áskerimizdiń qajettilikterine qanshalyqty tez beiimdele alatynyna bailanysty bolady, – dep atap ótti Muhtar Qul-Muhammed.
Parlament depýtattary sonymen qatar Astana qalasyndaǵy mamandandyrylǵan TJD №1 órt sóndirý bóliminde de boldy. Olarǵa qoldanystaǵy tehnika, qutqarýshylardyń qural-jabdyqtary men kásibi daiarlyq sheberlikteri kórsetildi. Kezdesýde sondai-aq problemalyq máseleler boiynsha pikiralmasý da óristedi.
Depýtattar kezdesý sońynda TJ organdaryn damytý úshin órt sóndirýshiler men qutqarýshylardy qaita jaraqtandyrýǵa bailanysty máselelerdi kezeń-kezeńimen sheshý maqsatynda memleketten qosymsha qarjy bólýdiń mańyzdylyǵyn atap ótti.
