«Otandastar» qory uiytqy bolǵan sharanyń maqsaty – alys-jaqyn shetelderde turatyn qandastarǵa arnap, Qazaqstannyń kieli jerlerine tarihi-tanymdyq ekskýrsiialar seriiasyn uiymdastyrý edi.
Eki kúnge sozylǵan ekskýrsiia Túrkistan óńirinen bastaý alyp, otandastarǵa Qoja Ahmet Iassaýi, Arystan Bab keseneleri, Túrkistannyń tarihi murajaiy jáne óńirdiń basqa da kórikti jerleri tanys etildi.
Jalpy, atalǵan «Otandastar» qory aldaǵy bes jyl ishinde ekskýrsiialyq týrlardy elimizdiń ózge de óńirlerinde júieli túrde ótkizýdi josparlap otyr.
Kelesi rettegi joba Aqtaý, Pavlodar, Almaty jáne t.b. qalalardy qamtityn bolady. Uiymdastyrýshylardyń aitýynsha, kieli jerlerdi jaqynnan tanyp, jiti zertteý arqyly sheteldik otandastar tarihi otanynyń ótkenine úńilip, elimizdiń mádenietine, ónerine jáne halyqtyq dástúrlerine jaqyndai túsedi.
«Otandastar» Qory» «Týǵan jerge taǵzym» tarihi-tanymdyq ekskýrsiialar jobasyn «Rýhani jańǵyrý» memlekettik baǵdarlamasy aiasynda ótkizip otyr. Joba baǵdarlamasyna «Qazaqstannyń kieli jerler geografiiasy» kópfýnktsionaldy virtýaldy kartasy nysandarymen tanysý kiredi. Atalmysh ideia Memleket basshysy Nursultan Nazarbaevqa tiesili. Elbasy óziniń «Bolashaqqa baǵdar: rýhani jańǵyrý» baǵdarlamalyq maqalasynda bul bastamany basymdyq mindetterdiń biri retinde belgilegen bolatyn.
Qazir Qazaqstannyń tarihi jerleri tizimine 185 jalpyulttyq jáne 500 óńirlik deńgeidegi nysandar engizilgen.
