Otan qorǵaýshylar kúni qarsańynda Tótenshe jaǵdaılar mınıstrliginiń qutqarýshylary Rıdder qalasy mańyndaǵy Ivanov jotasynda ornalasqan, teńiz deńgeıinen 2630 metr bıiktikte jatqan “Úsh aǵaıyndy” shyńyna kóterildi. Bul shara – jas qutqarýshylar úshin kásibı sheberlikti shyńdaýdyń erekshe tájirıbesi boldy, dep habarlaıdy Dalanews.kz.

“Bul baǵyt – álpınısik daıyndyqtyń negizgi bóligi ǵana emes, sonymen qatar tótenshe jaǵdaıda qozǵalý men áreket etý daǵdylaryn jetildirýdiń bir joly. Jas mamandar bıik taýda zardap shekkenderdi tasymaldaý ádisterin meńgerip, zamanaýı qural-jabdyqtardy qoldanýdy úırenedi”, – dedi SHQO TJD bastyǵynyń orynbasary Ishar Savazov.

Shyńǵa shyǵý barysynda qatysýshylarǵa birqatar mańyzdy mindet júkteldi: álpınısik daıyndyq deńgeıin arttyrý, jas qutqarýshylardy bıik taýda ómir súrý ádisterine baýlý, moraldyq-psıhologıalyq tózimdilikti nyǵaıtý jáne arnaıy jabdyqtardy synaqtan ótkizý. Sonymen qatar, jedel-qutqarý jasaǵynyń jas qyzmetkerleri tómen temperatýrada dala jaǵdaıynda ómir súrý mashyǵyn da ıgerdi.

İs-shara sátti ótip, barlyq tapsyrmalar tolyq oryndaldy. 2600 metrden astam bıiktikke kóterilgen qutqarýshylar bul jerge QR Tótenshe jaǵdaılar mınıstrliginiń týyn tikti. Bul – tek kásibı sheberliktiń emes, Otan aldyndaǵy adaldyqtyń da belgisi boldy.