Defılede Túrkıanyń Adana Qyzdar tehnıkalyq qol óner ýchılıshesi arnaıy daıyndaǵan Osmanly dáýirinde saraıda kıilgen kıimder Astana jurtshylyǵynyń nazaryna usynylady. Toptamada Osmanly kıim úlgilerimen qosa bas kıim jáne sol dáýirdiń áshekeı buıymdary da bar. Aıta ketý kerek, atalǵan toptama budan buryn Germanıa, Avstrıa, AQSH, Portýgalıa, Tatarstan, Grekıa, Aljır, Qytaı, Golandıa sıaqty kóptegen elderde úlken yqylasqa ıe bolǵan. Qazaqstanda tuńǵysh ret kórsetiletin toptama ujymdyq jumystyń nátıjesi bolyp tabylady.
Túrik tekstıli Osmanly dáýirinde sharyqtap damydy. Adana Qyzdar tehnıkalyq qol óner ýchılıshesi Osmanly kıim úlgileriniń dızaıny úshin Topkapy jáne Dolmabahche saraıynyń murajaılarynda zertteýler júrgizgen. Keıinirek osy málimetter men oıý-órnekter sol dáýir nazarǵa alyna otyryp, qazirgi zamanǵa saı jańartylǵan. Astana jurtyna usynylatyn toptama osylaısha dúnıege kelgen. Toptama Osmanly dáýiri kezinde saraıdaǵy hanymdar tarapynan kıilgen kıimderdiń úlgileri bolyp tabylady.
Barsha túrki óneriniń yqylym zamannan beri Orta Azıadan bastaý alatyny belgili. Anadoly jurtyna kóshken túrik taıpalary ózderimen birge osy qasıetti mekenniń óneri men mádenıetin de ala ketken. Ony ózderi qonys tepken aımaqtardaǵy jergilikti ereksheliktermen tolyqtyrǵan. Osylaısha Anadoly jerinde jańa túrik óneri men mádenıeti dúnıege kelgen. Túrikter keıinnen Islamdy qabyldap, osy dinniń áserimen túrki motıvteriniń odan ári damýyna da úlken sebin tıgizgen. Túrki jáne Islam motıvteri qoldanylǵan toptamada jalpy 40 kıim úlgisi bar.
Astana halqy men qonaqtaryn 27 qazanda bolatyn osy defılege kútemiz.
Kirý aqysyz.
Kúni: 27 qazan 2016
Ótetin orny: Astana, Turan kóshesi № 27, «Portofino» kesheni
BAǴDARLAMA
19:00 Ashylý rásimi 19:10 Defıle 20:00 Fýrshet
Baılanys: 8 777 533 91 30
