دەفيلەدە تۇركيانىڭ ادانا قىزدار تەحنيكالىق قول ونەر ۋچيليششەسى ارنايى دايىنداعان وسمانلى داۋىرىندە سارايدا كيىلگەن كيىمدەر استانا جۇرتشىلىعىنىڭ نازارىنا ۇسىنىلادى. توپتامادا وسمانلى كيىم ۇلگىلەرىمەن قوسا باس كيىم جانە سول ءداۋىردىڭ اشەكەي بۇيىمدارى دا بار. ايتا كەتۋ كەرەك، اتالعان توپتاما بۇدان بۇرىن گەرمانيا، اۆستريا، اقش، پورتۋگاليا، تاتارستان، گرەكيا، الجير، جۇڭگو، گوللانديا سياقتى كوپتەگەن ەلدەردە ۇلكەن ىقىلاسقا يە بولعان. قازاقستاندا تۇڭعىش رەت كورسەتىلەتىن توپتاما ۇجىمدىق جۇمىستىڭ ناتيجەسى بولىپ تابىلادى.
تۇرىك تەكستيلى وسمانلى داۋىرىندە شارىقتاپ دامىدى. ادانا قىزدار تەحنيكالىق قول ونەر ۋچيليششەسى وسمانلى كيىم ۇلگىلەرىنىڭ ديزاينى ءۇشىن توپكاپى جانە دولماباحچە سارايىنىڭ مۇراجايلارىندا زەرتتەۋلەر جۇرگىزگەن. كەيىنىرەك وسى مالىمەتتەر مەن ويۋ-ورنەكتەر سول ءداۋىر نازارعا الىنا وتىرىپ، قازىرگى زامانعا ساي جاڭارتىلعان. استانا جۇرتىنا ۇسىنىلاتىن توپتاما وسىلايشا دۇنيەگە كەلگەن. توپتاما وسمانلى ءداۋىرى كەزىندە سارايداعى حانىمدار تاراپىنان كيىلگەن كيىمدەردىڭ ۇلگىلەرى بولىپ تابىلادى.
بارشا تۇركى ونەرىنىڭ ىقىلىم زاماننان بەرى ورتا ازيادان باستاۋ الاتىنى بەلگىلى. انادولى جۇرتىنا كوشكەن تۇرىك تايپالارى وزدەرىمەن بىرگە وسى قاسيەتتى مەكەننىڭ ونەرى مەن مادەنيەتىن دە الا كەتكەن. ونى وزدەرى قونىس تەپكەن ايماقتارداعى جەرگىلىكتى ەرەكششەلىكتەرمەن تولىقتىرعان. وسىلايشا انادولى جەرىندە جاڭا تۇرىك ونەرى مەن مادەنيەتى دۇنيەگە كەلگەن. تۇرىكتەر كەيىننەن يسلامدى قابىلداپ، وسى ءدىننىڭ اسەرىمەن تۇركى موتيۆتەرىنىڭ ودان ءارى دامۋىنا دا ۇلكەن سەبىن تيگىزگەن. تۇركى جانە يسلام موتيۆتەرى قولدانىلعان توپتامادا جالپى 40 كيىم ۇلگىسى بار.
استانا حالقى مەن قوناقتارىن 27 قازاندا بولاتىن وسى دەفيلەگە كۇتەمىز.
كىرۋ اقىسىز.
كۇنى: 27 قازان 2016
وتەتىن ورنى: استانا، تۇران كوشەسى № 27، «Portofino» كەشەنى
باعدارلاما
19:00 اشىلۋ ءراسىمى 19:10 دەفيلە 20:00 فۋرشەت
بايلانىس: 8 777 533 91 30
