Aldyn ala bekitilgen kelisim aıasynda Óskemen qalasynyń jylýmen qamtý júıesin jańǵyrtý boıynsha jumystardy 5 mlrd. teńgege deıingi kólemde qarjylandyrý qarastyrylǵan. Onyń ishinde Eýropa qaıta qurý jáne damý bankinen 3 mlrd. teńge bólý kózdelip otyr. Sonymen qatar atalmysh jobany qarjylandyrýǵa Úkimettiń granttyq qarjylary men jergilikti búdjettiń qarjysy kiristirilgen. Nesıe tek EQDB tarapynan bólingen qarjy boıynsha ǵana qaıtarylatyn bolady.
Shyǵys Qazaqstannyń oblys ortalyǵynyń jylýmen qamtý júıesin jańǵyrtýdyń barysynda jylýmen qamtý jelilirin salý men tolyq jóndeý, jáne osy maqsatta qoldanylatyn arnaıy tehnıka satyp alynbaq. Investısıa OJP jáne sorǵysh stansıalarda avtomattandyrylǵan júıelerdi, JJP-te tuıyq júıelerdi engizý arqyly, qubyrlardy qalpyna keltirip, jylýdy joǵaltýdy azaıtýǵa jáne energıany qoldanýda tıimdilikti arttyrýǵa baǵyttalady. Sonymen qatar arnaıy qural-jabdyqtar jańartylyp, jylý ólsheý quraldary ornatylmaq.
Jalpy, atalǵan jobany iske asyrý jylý tasymaldaýshy júıelerdiń sapasy men qaýipsizdigin qamtamasyz etip, jylýmen qamtý nysandarynyń jumysyn apatsyz oryndaýǵa jáne tutynýshylarǵa úzdiksiz qyzmet kórsetýge múmkindik beredi.
– Biz aldaǵy tıimdi jobalardy júzege asyrýǵa daıynbyz. Bankpen birlesip istegen jumystardyń nátıjesinde, biz quny 28 mlrd. teńgeden astam birneshe kelisimge qol qoıdyq. Jaqyn ýaqytta jańa jobalar iske asyrylady degen senimdemin, – dedi aımaq basshysy Danıal Ahmetov EQDB-nyń Qazaqstandaǵy dırektory Djanet Hekmanmen kezdesý barysynda.
Aıta ketý kerek, EQDB arqyly qarjylandyrylady dep josparlanǵan jobalardyń jalpy quny 2016 jyldyń sońyna deıin 37,8 mlrd. teńgeni quramaq.
«QmD» aqparat
