Óskemende turmystyq qaldyqtardy óńdeitin zaýyt salynady
Sonymen qatar Eýropalyq qaita qurý jáne damý bankimen Óskemen qalasynda qoqys óńdeý zaýytyn salý jónindegi joba boiynsha tiisti kelissózder bastaldy.
Sondai-aq Shyǵys Qazaqstanda qalpyna keletin energiia kózderin engizýge qatysty da aýqymdy jumystar qolǵa alynǵan.
– Bul baǵytta oblysymyzda tórt iri joba júzege asyrylýda. Olardyń tórteýi de EXPO-2017 halyqaralyq kórmesinde qonaqtar nazaryna usynylǵan bolatyn. Ataqarylyp jatqan jumystardyń barlyǵy da Elbasy Joldaýyndaǵy «Resýrstyq áleýetti odan ári damytý» atty ekinshi mindetine sai júrgizilýde, – dedi oblys ákimi Danial Ahmetov turǵyndar aldyndaǵy kezekti esep berý jiynynda.
Oblys ákimi málimdegendei, byltyr ispandyq «ARESOL» kompaniiasy men «JańǵyzSolar» JShS-niń «Belgilengen qýaty 30 MVt bolatyn kún elektr stansasyn salý» atty birlesken jobasyn júzege asyrý boiynsha tiisti jumystar qolǵa alynǵan. Atalmysh jobanyń tehnikalyq-ekonomikalyq negizdemesi men jobalyq-smetalyq qujattamasy ázirlenip te qoiypty. Taǵy bir ispan kompaniiasy «EPGSL» qazaqstandyq «SpainCounsulting» kásipornymen birlese Ulan aýdanynyń Taiynty aýylynyń mańynda jel elektr stansasyn salý boiynsha qajetti zertteý jumystaryn júrgizýde.
Buǵan qosa Jańǵyztóbe kenti men Shar qalasynyń mańynda eki jel elektr stansasyn salý jóninde jobalyq-smetalyq qujattama ázirlengen.
https://dalanews.kz/34301
