20 naýryzdan bastap Óskemende memlekettik organdar men biýdjettik uiymdar jańa jumys kestesine kóshedi. Bul týraly qala ákimdiginde ótken jiynda Shyǵys Qazaqstan oblysy ákiminiń orynbasary Darhan Sapanov málim etti, dep habarlaidy Dalanews.kz
Endi jumys kúni saǵat 08:00–de bastalyp, 17:30–da aiaqtalady, túski úzilis 12:00–den 13:30–ǵa deiin.
Osylaisha bul jańashyldyq oblystyń barlyq qala, aýdanynda engizilip otyr. Jańa jumys rejimine kóshý turǵyndardyń ómir súrý sapasyn jaqsartady dep kútilýde.
"Jańa jumys ýaqytyn talqylaýǵa arnalǵan jiynǵa qaladaǵy memlekettik uiymdardyń ókilderin qosqanda 300-ge jýyq adam qatysty. Talqylaý barysynda jinalǵandar jumys kúnin erte bastaýdyń yńǵailylyǵyn atap ótip, jańa ózgeristerdi qoldaityndyqtaryn jetkizdi. Óskemen — Shyǵys Qazaqstan oblysynda osy jumys kestesin engizý týraly sheshim qabyldaǵan sońǵy qala boldy", - dep habarlady óńir ákimdiginen.
Eske salsaq, osyǵan deiin Ridder qalasynda jumys ýaqyty bir saǵatqa shegerilgeni habarlanǵan.
