Jambyl oblysynda esirtki men psihotroptyq zattardyń zańsyz ainalymyn uiymdastyrǵan qylmystyq toptyń jetekshisi 17 jylǵa sottaldy, dep habarlaidy dalanews.kz.
Jambyl oblysy politsiia departamentiniń málimetinshe, uiymdasqan qylmystyq toptyń taǵy eki múshesi 15 jyldan bas bostandyǵynan aiyryldy.
Tergeý barysynda 2025 jyly Taraz jáne Almaty qalalarynda prokýratýranyń úilestirýimen júrgizilgen arnaiy operatsiia kezinde asa iri kólemde esirtki men psihotroptyq zattardy zańsyz saqtap, ótkizýmen ainalysqan uiymdasqan qylmystyq toptyń qyzmeti toqtatylǵan.
Tintý barysynda dárihanalardan 364 dana «Tramadol» ampýlasy, 1869 quty «Tropikamid», 412 dana «Somnol» tabletkasy, 72 dana «Dimedrol» tabletkasy jáne 17,16 gramm «Oksivin» zaty tárkilengen. Politsiia bul preparattardyń ainalymy zańmen qatań retteletin kúshti áser etetin zattar qataryna jatatynyn atap ótti.
Tergeý barysynda qylmystyq shemany uiymdastyrǵan adam Taraz qalasynyń 60 jastaǵy turǵyny ekeni anyqtalǵan. Ol Qylmystyq kodekstiń 262-babynyń 1-bóligi boiynsha, al onyń eki sybailasy osy baptyń 2-bóligi boiynsha jaýapqa tartylǵan.
Politsiia esirtki jáne psihotroptyq zattardyń zańsyz ainalymy aýyr qylmys sanatyna jatatynyn jáne ol úshin qatań qylmystyq jaýapkershilik kózdelgenin eske saldy.
