Óskemende "Birikke Ulttar Uiymy modeli" baiqaýy ótti
Elbasy Nursultan Nazarbaev óziniń Qazaqstan halqyna arnaǵan Joldaýynda adam kapitalyn damytý – elimizdi órkendetýdiń birden-bir joly ekenin atap ótken bolatyn. Osy rette jastardyń shet tilin meńgerip, saiasi biliktilik pen mádeni ashyqtyqqa umtylý olardyń bilimdi azamat bolyp qalyptasýyna keńinen jol asha túsetini belgili. Osy turǵydan alyp qaraǵanda jastardyń birneshe til meńgerýge umtylýy bolashaqta elimizdiń básekege qabilettiligin arttyra túsetini sózsiz.
Osy rette Shyǵys Qazaqstan oblysynda uiymdastyrylǵan "BUU modeli" aimaqtyq baiqaýy jastardy keleshekte úlken saiasatta elimizdiń abyroi-bedelin asqaqtatýǵa qyzyǵa tústi. Baiqaý barysynda árbir jas ózderin jekelgen eldiń ókili retinde óz eliniń múddesin qorǵap, halyqaralyq máselelerdi oń baǵytta sheshýge barynsha talpyndy.
Bastan aiaq aǵylshyn tilinde ótken baiqaýda shyǵysqazaqstandyq jastardyń aǵylshyn tilin bir kisidei meńgergenine kózimiz jete tústi.
Baiqaý barysyndaǵy pikirtalastarǵa aǵylshyn tilin jetik biletin oqytýshylar aralasyp, jastarǵa kúrdeli suraqtar qoiǵanda, olar árbir suraqqa baiyppen jaýap berip, ózderin kánigi saiasatkerlerdei kórsetti aita ketýimiz kerek. Óz kezeginde jastardyń tálimgerleri:
– Bizder bul baiqaýdy alǵash ret uiymdastyryp otyrmyz. Nátijesi jaman emes. Sharaǵa áleýmettik belsendi jastardyń bári qatysýǵa yqylas tanytty. Menińshe, baiqaý jastardyń oilaý qabiletin damytyp, kelissóz júrgizýde mol tájiribe jinaýyna múmkindik týǵyzdy dep esepteimin. Sondyqtan mundai baiqaýlardy jii uiymdastyryp turý kerek, – dedi KASÝ prezidenti Galina Konopianova.
Sharanyń sońynda baiqaýǵa qatysyp, belsendilik tanytqan jastardyń bárine sertifikat tapsyryldy. Al úzdik delegattar baǵaly syilyqtarǵa ie boldy.
https://dalanews.kz/35047
