Májilis otyrysynda Óskemendegi aýa sapasy máselesi kóterildi. Depýtat Marat Bashimovtyń aitýynsha, qalada tynys alýdyń ózi qaýipti deńgeige jetken, dep habarlaidy Dalanews.kz.
Onyń málimetinshe, qańtar aiynda aýadaǵy kúkirtsýtek pen kúkirt dioksidiniń mólsheri ruqsat etilgen normadan 3,6 ese asyp ketken. Depýtat bul jaǵdaidy maýsymdyq qubylys emes, uzaq ýaqyttan beri jalǵasyp kele jatqan júieli lastaný dep baǵalady.
Bashimovtyń sózinshe, qala turǵyndary kún saiyn lastanǵan aýamen tynystaýǵa májbúr, alaida olar tiisti ótemaqy da, memleket tarapynan júieli qoldaý da almai otyr. Qazirgi sharalar kóbine "dalaǵa sirek shyǵý" siiaqty usynymdarmen ǵana shektelip otyrǵanyn aitty.
Depýtat ekologiialyq jaǵdaidy jaqsartý úshin shuǵyl ári naqty sharalar qabyldaýdy talap etti.
