198 otbasy «Qazaqstan Ipotekalyq Kompaniiasy» AQ operatory bolyp tabylatyn «Nurly jer» memlekettik turǵyn úi baǵdarlamasynyń áleýmettik mańyzdy baǵyttarynyń biri «Satyp alý quqyǵymen jalǵa beriletin páter» boiynsha baspanaly boldy.
Tuńǵysh Prezident kúni qarsańynda kezekte turǵandarǵa ál-Farabi dańǵyly, 40 úi meken-jaiynda ornalasqan 36 bir bólmeli, 117 eki bólmeli, 45 úsh bólmeli páter kiltteri tabys etildi.
Páterlerdiń jalpy aýdany 12 495,8 sh.m. quraidy. Barlyq páterler taza árlengen jáne 20 jyl ótken soń jalǵa alýshylardyń menshigine tapsyrylady.
Baǵdarlama sharttary boiynsha jalǵa beriletin páterlerdi jergilikti atqarýshy organdarda kezekte turǵan azamattar sanaty: jas otbasylar, biýdjettik uiymdardyń qyzmetkerleri, memlekettik qyzmetshiler, kóp balaly otbasylar, múgedek balalary bar otbasylar, jetim balalar, ata-anasynyń qamqorlyǵynsyz qalǵan tolyq emes otbasylar, áskeri qyzmetshiler alady. Kezekte turǵandardyń tizimin jergilikti atqarýshy organdar irikteidi jáne tólem qabilettiligin rastaý úshin «Báiterek» holdinginiń enshiles qurylymyna «Qazaqstan Ipotekalyq Kompaniiasy» AQ-na jiberedi.
Baspasóz qyzmeti
