Atalǵan kósheler aýmaǵynda birqatar turǵyn úıler salynyp, qutqarý qyzmeti qyzmetkerleriniń turǵyndardyń mekenjaıyn taba almaýyna baılanysty ataý berý qajettigi týyndaǵan.
Usynylǵan 19 ataýsyz kóshege halyqtyń pikirine sáıkes, patrıottyq rýhty tárbıeleý maqsatynda Qazaqstannyń belgili jer-sý ataýlary jáne dástúrli ataýlar berildi.
20 turǵyn aýdanyndaǵy ataýsyz kóshege Jıdebaı, 18 turǵyn aýdanyndaǵy ataýsyz kóshege Medeý, Samsonovka aýyly mańyndaǵy ataýsyz kóshelerge Arǵymaq, Naýryz, Aınakól, Edil, Dástúr, Esil, Amanat, Jaıyq, Baldyrǵan, Serper, Mereke, Kóktem, Sharyn, Kegen, Keleshek, Masaty, Samal kósheleri bolyp atalmaq.
