اتالعان كوشەلەر اۋماعىندا ءبىرقاتار تۇرعىن ۇيلەر سالىنىپ، قۇتقارۋ قىزمەتى قىزمەتكەرلەرىنىڭ تۇرعىنداردىڭ مەكەنجايىن تابا الماۋىنا بايلانىستى اتاۋ بەرۋ قاجەتتىگى تۋىنداعان.
ۇسىنىلعان 19 اتاۋسىز كوشەگە حالىقتىڭ پىكىرىنە سايكەس، پاتريوتتىق رۋحتى تاربيەلەۋ ماقساتىندا قازاقستاننىڭ بەلگىلى جەر-سۋ اتاۋلارى جانە ءداستۇرلى اتاۋلار بەرىلدى.
20 تۇرعىن اۋدانىنداعى اتاۋسىز كوشەگە جيدەباي، 18 تۇرعىن اۋدانىنداعى اتاۋسىز كوشەگە مەدەۋ، سامسونوۆكا اۋىلى ماڭىنداعى اتاۋسىز كوشەلەرگە ارعىماق، ناۋرىز، ايناكول، ەدىل، ءداستۇر، ەسىل، امانات، جايىق، بالدىرعان، سەرپەر، مەرەكە، كوكتەم، شارىن، كەگەن، كەلەشەك، ماساتى، سامال كوشەلەرى بولىپ اتالماق.
