Ákimniń aitýynsha, biyl oblysta qurylys qarqyny eń úlken kórsetkishke jetti. Sońǵy 5 jylda alǵash ret bir jylda million sharshy metr jańa turǵyn úi paidalanýǵa berildi.
Aimaqta jeke qurylys salýshylarmen yntymaqtasa otyryp, «Bir qabatty Shyǵys» baǵdarlamasyn qoldaý arqyly qurylys qarqynynyń osy deńgeiin saqtaý kerek.
[caption id="attachment_65155" align="aligncenter" width="561"]
Sonymen birge, ákimdik «Baqytty otbasy» baǵdarlamasy boiynsha ipoteka resimdeýge niet bildirgen kópbalaly otbasylarǵa turǵyn úi sertifikatyn berý júiesin engizbek.
ShQO-da áleýmettik-mádeni nysandar kóptep salynýda. Máselen, aýrýhana, mektep, balabaqsha, sport zal, klýb siiaqty taǵy basqa da 27 áleýmettik mádeni-turmystyq nysan bir ýaqytta salynyp jatyr.
Ásirese, oblys ortalyǵynan shalǵaida ornalasqan eldi mekenderge basymdyq berildi.
Borodýliha, Marqakól, Tavriia, Úlken Naryn, Samar syndy kóptegen aýyldar men kentterde biyldyń ózinde basseinder jáne jańa dene shynyqtyrý-saýyqtyrý ortalyqtary paidalanýǵa berildi. Al sport modýlderi shalǵaidaǵy barlyq eldi mekenge salynady.
Qabanbai aýylynda biyl tek modýl ǵana emes, politsiia bólimi men feldsherlik-akýsherlik pýnkttiń qurylysy da aiaqtalady.
– Barlyq nysannyń qurylysy kesteden keshikpei júrip jatyr. Degenmen, sońǵy ýaqytta merdiger kompaniialar qurylys materialdary qymbattap ketti degen máseleni jii kóterip júr. Osyǵan bailanysty oblystyń qurylys jáne ekonomika basqarmalaryna árbir jaǵdaidy muqiiat qaraýdy, qajet bolsa jobalarǵa túzetý engizýdi tapsyramyn. Qurylys jumystarynyń sapasy osyǵan bailanysty ekenin umytpańyzdar, – dedi aimaq basshysy.
