Taraz qalasy qurylys bóliminiń basshysy 4 jylǵa sottaldy, dep habarlaidy Dalanews.kz.
Taraz qalasynyń soty qalalyq qurylys bóliminiń basshysy N. Qaldybaevty, sondai-aq merdigerlik uiymdarynyń ókili O. Erbolatulyn sottady.
Erbolatuly halyqtyń áleýmettik osal toptary úshin kóppáterli turǵyn úilerdiń qurylysyna bólingen biýdjet qarajatyn jymqyrǵany úshin kináli dep tanyldy, al Qaldybaev merdigerlerdiń múddesi úshin oryndalǵan jumystardyń jalǵan aktilerine qol qoiyp, aqsha aýdarǵan.
Olardyń qylmystyq qyzmetiniń nátijesinde memleketke 519 mln teńgeden astam shyǵyn keltirildi.
Sot úkimimen Qaldybaevqa 4 jyl, Erbolatulyna 6 jyl bas bostandyǵynan aiyrý jazasy taǵaiyndaldy.
Budan basqa, sottalǵan Qaldybaev memlekettik qyzmette jáne kvazimemlekettik sektor sýbektilerinde laýazymdardy atqarý quqyǵynan ómir boiy aiyryldy, al Erbolatulyna memlekettik, jeke uiymdarda jáne kvazimemlekettik sektor sýbektilerinde 10 jyl merzimge qarjy bólýge bailanysty laýazymdardy atqarýǵa tyiym salyndy.
Sot aktisi zańdy kúshine engen joq.
