Qyrǵyzstannyń Osh oblysyndaǵy Qara-Sýý aýdanynan órtelgen áieldiń máiiti tabyldy. Qylmys jasady degen kúdikpen eki er adam ustaldy, dep habarlaidy dalanews.kz.
Óńirlik ishki ister basqarmasynyń málimetinshe, 10 shilde kúni shamamen saǵat 05:30-da Osh – áýejai tasjolynyń boiyndaǵy egistik alqaptan aziialyq kelbettegi áieldiń máiiti tabylǵan.
Marqumnyń 1987 jyly týǵan Osh oblysynyń turǵyny A.N. ekeni anyqtaldy. Tergeý deregine sáikes, áiel óltirilgennen keiin onyń denesi órtelgen.
Atalǵan derek boiynsha Qylmystyq kodekstiń 122-baby – "Adam óltirý" boiynsha qylmystyq is qozǵaldy.
Jedel izdestirý sharalary barysynda 17 shildede politsiia qyzmetkerleri 1988 jáne 1992 jyly týǵan eki er adamdy kúdikti retinde ustady.
Qazirgi ýaqytta oqiǵanyń barlyq mán-jaiyn anyqtaý maqsatynda tergeý amaldary júrgizilip jatyr.
