17 aqpanda Qyzylorda oblysyna jumys sapary aiasynda Ortsailaýkom basshysy Nurlan Ábdirov Syrdariia aýdanynyń ýchaskelik sailaý komissiialarynyń múshelerimen, sailanǵan ákimdermen jáne aýyldyq okrýg turǵyndarymen kezdesti.
Ýchaskelik sailaý komissiialarynyń múshelerimen kezdesýde OSK tóraǵasy Tereńózek kenti ákiminiń sailaý naýqanynyń barysymen, ádistemelik jáne uiymdastyrýshylyq-tehnikalyq qamtamasyz etý, sailaý ýchaskeleriniń daiyndyǵy, múmkindigi shekteýli sailaýshylar úshin qajetti jaǵdailar jasaý máselelerimen tanysty. Sondai-aq, ulttyq baqylaýshylardyń qyzmetin quqyqtyq retteý máseleleri talqylandy.
Kezdesý qorytyndysy boiynsha ol daýys berý kúni sailaý rásimderin uiymdastyrý jáne ótkizý qatań túrde zańnama talaptaryna sai júzege asyrylýy tiis ekenin erekshe atap ótti.
Syrdariia aýdanynyń sailanǵan ákimderimen jáne aýyldyq okrýg turǵyndarymen kezdesý barysynda aýyldyq deńgeidegi ákimderdi tikelei sailaý institýtyn engizý máseleleri boiynsha pikir almasyldy. Sondai-aq, Ortsailaýkom Tóraǵasy ákimderdiń eldi mekenderdi damytý jáne olardyń tynys-tirshiligin qamtamasyz etý boiynsha atqarǵan jumystary men josparlarymen tanysty.
Sondai-aq, osy kúni OSK múshesi Asylbek Smaǵulov pen elektoraldy oqytýdy uiymdastyrý bólimi meńgerýshisiniń orynbasary Túsip Ryspekov oblystaǵy sailaýdy uiymdastyrýshylar úshin oqytý seminaryn ótkizdi.
Al 18 aqpanda tóraǵa Qyzylorda oblysynyń jastar resýrstyq ortalyǵynda óńir jastarymen kezdesti.
Kezdesýdi asha otyryp, ol «Jastar – eldiń bolashaq ziialy qaýymy jáne elektorattyń mańyzdy quramdas bóligi. Osyǵan bailanysty biz úshin qazirgi tańda jastardyń sailaý protsesi máseleleriniń keń spektri tóńireginde pikirleri men usynystary óte mańyzdy» - dep atap ótti.
Kezdesýde jastar ókilderi sailaý protsesine tsifrlyq tehnologiialardy engizý, sailaý mádenieti men aldaǵy sailaýda jastardyń belsendiligin arttyrý boiynsha birqatar naqty usynystardy alǵa tartty.
Qatysýshylar Ortalyq sailaý komissiiasy uiymdastyrǵan osyndai kezdesýler jastardyń sailaýǵa degen senimin arttyrýdyń pármendi tetikteriniń birine ainalatynyn jáne jastar osyndai dialog ornatýdy qoldaitynyn atap ótti.
