Búginde Batys elderinde orys baıshykeshterin saraılary men ıahtalarynan ıelik etý quqyǵynan aıyrý isi qarqyndy júrgizýde.
EýroOdaq munymen shektelemeı orys olıgarhtaryna sanksıa jarıalap, olardyń Eýropaǵa kelýine tosqaýyl qoıǵany belgili.
Naýyryz aıynda EýroOdaq janynan Pýtınniń Ýkraınaǵa qarsy agresıasıalyq saıasatyn qoldaıtyn olıgarhtardyń dúnıe-múlkin anyqtap, buǵattaıtyn arnaıy bólim qurylǵan-dy. Qazirgi tańda atalmysh bólim EýroOdaqtyń ózge elderimen baılanys ornatyp, orys baılarynyń izine túsken.
Arnaıy bóliminiń qarqyndy jumys isteýiniń arqasynda sáýir aıynyń ortasynan deıin EýroOdaq aýmaǵyndaǵy Reseıdiń quny 35 mlrd eýro bolatyn aktıvi buǵattalǵan-dy. Onyń 10 mlrd eýrosy jekelegen olıgarhtardyń aktıvteri ekenin aıta ketýimiz kerek.
