ۋكراينادا سوعىس باستالعالى بەرى ەۋرووداق رەسەي وليگارحتارىنىڭ كارى قۇرىلىقتاعى قۇنى 10 ملرد ەۋرو بولاتىن دۇنيە-مۇلكىن بۇعاتتاپ تاستاعان، – دەپ حابارلايدى Dalanews.kz.  

بۇگىندە باتىس ەلدەرىندە ورىس بايشىكەشتەرىن سارايلارى مەن ياحتالارىنان يەلىك ەتۋ قۇقىعىنان ايىرۋ ءىسى قارقىندى جۇرگىزۋدە.

ەۋرووداق مۇنىمەن شەكتەلەمەي ورىس وليگارحتارىنا سانكسيا جاريالاپ، ولاردىڭ ەۋروپاعا كەلۋىنە توسقاۋىل قويعانى بەلگىلى.

ناۋىرىز ايىندا ەۋرووداق جانىنان ءپۋتيننىڭ ۋكرايناعا قارسى اگرەسسياسيالىق ساياساتىن قولدايتىن وليگارحتاردىڭ دۇنيە-مۇلكىن انىقتاپ، بۇعاتتايتىن ارنايى ءبولىم قۇرىلعان-دى. قازىرگى تاڭدا اتالمىش ءبولىم ەۋرووداقتىڭ وزگە ەلدەرىمەن بايلانىس ورناتىپ، ورىس بايلارىنىڭ ىزىنە تۇسكەن.  

ارنايى ءبولىمىنىڭ قارقىندى جۇمىس ىستەۋىنىڭ ارقاسىندا ءساۋىر ايىنىڭ ورتاسىنان دەيىن ەۋرووداق اۋماعىنداعى رەسەيدىڭ قۇنى 35 ملرد ەۋرو بولاتىن اكتيۆى بۇعاتتالعان-دى. ونىڭ 10 ملرد ەۋروسى جەكەلەگەن وليگارحتاردىڭ اكتيۆتەرى ەكەنىن ايتا كەتۋىمىز كەرەك.