Ordabasyda aýqymdy investitsiialyq jobalar júzege asyrylýda
Temirlan aýylynyń irgesindegi qarqyndy alma jáne jemis-jidek daqylyn otyrǵyzýmen ainalysatyn «Kazgarden» baý sharýashylyǵynyń jemis alqaby 60 gektardan asady.
Agrarlyq sala - aýdan ekonomikasynyń qozǵaýshy kúshi. Sondyqtan aýdan ákimi Baǵlan Batyrshaevtyń tarapynan aýyl sharýashylyq salasyndaǵy jańa jobalarǵa, aýdanǵa investitsiia salǵan jeke kásipkerlerge barynsha qoldaý kórsetilýde.
Búginde atalǵan sharýashylyq 11 gektarǵa qarqyndy alma, 49 gektar alqapqa súiekti jemis daqyldaryn otyrǵyzǵan. Jobanyń investitsiialyq quny 450 million teńgeni quraidy. Munan bólek, jeke kásipker baý-baqsha aýmaǵyn keńeitip, 2 milliard teńgege 240 gektarǵa baý otyrǵyzýdy josparlap otyr. Qazirgi tańda onda 60 adam turaqty jáne maýsymdyq jumyspen qamtylǵan.
Bórjar aýyldyq okrýgine qarasty «BalKausar» baý sharýashylyǵynda júzimniń elitalyq ashanalyq sorty ósiriledi. Jańa tehnologiiany qoldaný arqyly qysqa ýaqyt ishinde mol ónim alýdy kózdeitin sharýashylyq ázirge 10 gektar alqapqa ashanalyq júzim sortyn jersindirgen. Byltyr qyrkúiek aiynda egilgen júzim kóshetteri ósip, jemis bergen jaǵdaida jylyna 250 tonna ónim alynady dep josparlanýda.
