Aımaq basshysynyń bastamasymen qolǵa alynǵan joba aıasynda úsh bı eskertkishi men kelýshiler úshin jaıaý júrginshiler jáne avtomobıl joldary salynatyn bolady. Osylaısha tarıhı aımaq jańǵyrtyla otyryp, týrıser kelip tamashalaıtyndaı abattandyrylǵan orynǵa aınalmaq.
– Elbasynyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan tarıhta túrli ról atqarǵan qasıetti oryndardy qolǵa alyp, ony damytý arqyly keleshek urpaqtyń boıyna sińirý jáne sonyń aıasynda otandyq týrızmdi de damytý qajet. Al Ordabasy taýy – halyq kelip rýhanı tynyǵatyn, rýh jınaıtyn, oıyn tazartatyn oryn bolýy kerek. Sondyqtanda mundaǵy árbir jumysqa nazar salyp, qurylysty sapaly júrgizýdi tapsyramyn, – dedi oblys ákimi.
Oblystyq sáýlet jáne qala qurylysy basqarmasynyń málimetinshe, úsh bıdiń eskertkishi qoryqtyń eń bıik núktesine ornatylylatyn bolady. Nysannyń bıiktigi 17 metrdi quraıdy. Jalpy qoryq aýmaǵynda josparlanǵan jobalaý jumystary 85,9 gektardy qamtıdy. Onyń ishinde jaıaý júrginshilerge arnalǵan jol uzyndyǵy 2415,4 metrdi, al avtomobıl jolynyń uzyndyǵy 3129,5 metrdi quraıtyn bolady. Sonymen qatar, jobanyń ekinshi kezeńinde munda etnoqalashyq, mýzeı men amfıteatr salý josparlanýda.
Eske salsaq, bıyl úsh júzdiń basyn qosqan Ordabasyda túrki tildes úsh eldiń basshylarynyń bas qosqandaryna 25 jyl tolady. 1993 jyly Qazaqstan, Ózbekstan jáne Qyrǵyz Respýblıkasynyń Prezıdentteri osy tarıhı orynda kezdesken edi.
OQO ákimniń baspasóz qyzmeti
https://dalanews.kz/32029
