Sonyń bir aiǵaǵy jeri shúigin, azamattary eńbeksúigish, yntymaǵy men birligi jarasqan Ordabasy aýdany turaqty damý jolyna túsip, elimizdiń ilgeri basýyna ózindik úlesin qosyp keledi. Sonyń bir dáleli – Ordabasy aýdanynda óndirilgen maqta talshyqtary Chehiia, Belorýssiia men Moldova elderine jóneltilip jatyr.
Kásipkerler qazir ózge de memleketterden tapsyrystar túsip jatqanyn aitady.
Ázir ordabasylyq dihandar da kún-tún demei aq altyndy tókpei-shashpai shyǵynsyz shinap alýdyń qamyna kirisken. Jergilikti dihandardyń ekken ónimderine sheteldikter qyzyǵýshylyq tanytýda. Osydan eki jyl buryn ashylǵan maqta óńdeý zaýytynan shyqqan maqta talshyqtary shetelderge jóneltilýde.
Zaýyt direktory Batyrbek Myrzahannyń aitýynsha, ázirgi kúni kásiporyn áriptestik aiasyn keńitý ústinde.
– Syrtqa naryqqa shyǵatyn múmkindigimiz mol. Ordabasy maqtasyna qyzyǵýshylyq tanytyp otyrǵan sheteldik áriptestermen kelisózzder júrgizip jatyrmyz. Batys elderi aýdannyń maqtasy sapasyn joǵary dep baǵalap otyr. Jaqynda ǵana chehtarmen kelisim shartqa otyrǵanbyz. Moldavadan da kásipkerler kelip, óndiristiń qyr-syrymen tanysyp jatyr. Eksportqa shyqsaq tabysymyz da artary anyq, – deidi ol.
Osylaisha Ordabasy aýdany biylǵy jyldy da aýyl sharýashylyq ónimderi boiynsha jaqsy kórsetkishtermen aiaqtady deýge ábden negiz bar.
