"Hronika Týrkmenistana" táýelsiz basylymynyń habarlaýynsha, kitap oqý sáti memlekettik aqparat agenttigi daiyndaǵan reportajda kórsetildi.
Ǵurbanǵuly Berdymuhamedovtiń jańa kitaby "Ómirimniń máni" dep atalady. Memlekettik aqparat agenttigi eks-prezidenttiń bul shyǵarmasyn "túrkimen halqynyń myńdaǵan jyldar boiy urpaqtan urpaqqa taralyp kele jatqan danalyǵy men ulttyq rýhani qundylyǵy" dep sipattady.
Kitapty 29 sáýirde avtordyń uly, Túrkimenstan prezidenti Serdar Berdymuhamedov tanystyrdy.
Bilikti uly Serdarǵa tapsyrǵan Ǵurbanǵuly Berdymuhamedov sáýirde prezidentten demalys surady. Ol demalys kezinde jańa kitabyn aiaqtaitynyn aitty. Onyń demalysy qanshaǵa sozylatyny habarlanbady.
Ǵurbanǵuly Berdymuhamedov 60-tan astam kitaptyń avtory. Onyń shyǵarmalary san-alýan taqyryptarǵa arnalǵan. Saiasatker memleketti basqarý, halyqaralyq qatynastar, dárilik shópter, jylqy sharýashylyǵy, it asyraý týraly shyǵarma jazdy. Onyń kitaptaryn eldegi oqý oryndary zertteidi, memlekettik BAQ-tyń tikelei efirinde oqylady.
