Oraza ait qarsańynda Ózbekstan prezidenti Shavkat Mirziioev "Jazasyn ótep jatqan, istegen isine ókinetin jáne ómirin ózgertýge bet alǵan adamdar tobyna raqymshylyq jasaý" jarlyǵyna qol qoidy, dep habarlaidy Dalanews.kz.
Jarlyqqa sáikes, 426 adamǵa raqymshylyq jasaldy. Olardyń ishinde 135 sottalǵan negizgi jazasyn óteýden tolyq bosatylsa, 200 adam merziminen buryn shartty túrde bostandyqqa shyǵady. Sonymen birge 26 adamnyń jazasy jeńildetilip, bas bostandyǵynan aiyrylǵan 65 azamattyń merzimderi qysqardy.
"Raqymshylyq jasalǵandardyń qatarynda shet memleketterdiń 11 azamaty, 50 áiel, 60 jastan asqan 13 er adam, 30 jasqa deiingi 157 adam (onyń ishinde úsheýi kámeletke tolmaǵandar), sondai-aq tyiym salynǵan uiymdardyń qyzmetine qatysqan 5 adam bar", - delingen habarlamada.
