Qazaqstan Ulttyq bankiniń burynǵy tóraǵasy, eks-vitse-premer Oraz Jandosov ForteBank-tiń direktorlar keńesine táýelsiz direktor retinde sailandy. Mundai sheshim bank aktsionerleriniń jyldyq jalpy jinalysynda qabyldandy, dep habarlaidy Dalanews.kz.
Oraz Jandosovtyń direktorlar keńesiniń múshesi retindegi ókilettik merzimi banktiń direktorlar keńesiniń jalpy ókilettik merzimimen birge aiaqtalady. Iaǵni, bul merzim 2028 jyly ótetin aktsionerlerdiń jyldyq jalpy jinalysyna deiin jalǵasady.
Oraz Jandosov kim?
Oraz Jandosov ár jyldary Qazaqstan Ulttyq bankiniń tóraǵasy, premer-ministrdiń birinshi orynbasary jáne orynbasary qyzmetterin atqarǵan. 2000 jyldardyń basynda elektr jelilerin basqarý jónindegi ulttyq kompaniia – KEGOC-ty basqardy.
Qazirgi tańda ol «Rakýrs» ekonomikalyq taldaý ortalyǵynyń direktory, «Atameken» Ulttyq kásipkerler palatasy prezidiýmynyń múshesi jáne QR Tsifrlyq damý, innovatsiialar jáne aeroǵarysh ónerkásibi ministriniń shtattan tys keńesshisi bolyp tabylady.
Forbes Kazakhstan málimetinshe, onyń aktivteri qatarynda Eneverse KunKuat kún elektr stantsiiasy men Turan Wind Energy kompaniiasy bar.
