Materialdyq kómektiń mólsheri – 40 myń teńge. Byltyr ony 13 245 oqýshy alsa, biyl 15 myńǵa jýyq oqýshyny qamtý josparlanyp otyr. Kómek alatyn balalardyń naqty sanattary da aiqyndalǵan.
Olar:
- memlekettik ataýly áleýmettik kómek (AÁK) alýǵa quqyǵy bar otbasylardan shyqqan balalar;
- jan basyna shaqqandaǵy tabysy eń tómengi kúnkóris deńgeiinen az, sol siiaqty memlekettik ataýly áleýmettik kómek almaityn otbasylardan shyqqan balalar;
- jetim balalarǵa jáne ata-anasynyń qamqorlyǵynsyz qalǵan otbasylarda turatyn balalar;
- tótenshe jaǵdailardyń saldarynan shuǵyl járdemdi talap etetin otbasylardan shyqqan balalar;
- bilim berý uiymynyń alqaly organy belgileitin bilim alýshylar men tárbielenýshilerdiń ózge de sanattary;
Biyl materialdyq kómek "Atameken" ulttyq palatasy usynǵan "BMC Sales" tsifrly platformasy arqyly kórsetiledi. Al árbir oqýshynyń aqshasy arnaiy kartaǵa áleýmettik birlik bolyp túsedi. Ony belgili saýda ornynda jáne naqty taýar túrine ǵana jumsaýǵa bolady.
"Mysaly byltyr baǵdarlamaǵa 16 kompaniia jáne 27 saýda orny qatyssa, biyl 18 kompaniia jáne 30 saýda ornynda taýar satyp alýǵa múmkindik bar. Al áleýmettik birlikterdiń qozǵalysyn alýshylar, áleýmettik pedagogter, kásipkerler jáne baǵdarlama ákimshileri jeke kabinet arqyly qadaǵalaidy", - deidi mamandar.
Qazirgi ýaqytta mektepter balalardyń málimetterin avtomattandyrylǵan júiege engizý jumystaryn atqaryp jatyr. Ótinish berý úshin ata-analar balasy oqityn mektepke júginýge tiis. Mekteptiń alqaly organy ótinishti 15 kúnniń ishinde qaraidy. Baǵdarlama 31 qazanda aiaqtalady.
Osy oraida qala ákimdigi "Mektepke jol" dástúrli aktsiiasy aiasynda da oqýshylarǵa kómek kórsetiletinin eske salady. Resmi málimetke sáikes, jyl basynan beri 3 648 oqýshy kómek alǵan. Olardyń sanyn 7 myńǵa jetkizý josparlanyp otyr.
Aktsiia aiasynda kómek alý úshin "Meniń Atamekenim" portalynyń "Mektepke jol" paraqshasynda ótinish qaldyrý qajet.
Budan bólek, biyl aýdandyq ákimdikter 2 100 balaǵa kerek-jaraqtary bar mektep riýkzaktaryn tabystaidy.
