Elimizdegi árbir 7-shi oqýshy Túrkistan oblysynda turady. Mektep tapshylyǵyn joiý, oqýshylardyń qaýipsizdigin qamtamasyz teýde qyrýar jumystar atqarylyp jatyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óńir basshysy Darhan Satybaldynyń tapsyrmasymen jáne qoldaýymen aimaqtaǵy kúrdeli jáne aǵymdaǵy jóndeýdi qajet etetin bilim uialarynyń, jańa mektepter qajet eldi mekenderdiń tizimi ázirlenip, máseleni sheshý boiynsha naqty sharalar qolǵa alynǵan. Biyl óńirde balabaqsha, mektep, kolledj, lager jalpy 300-den asa bilim berý uiymynda jóndeý jumystary bastalyp ketken. Bundai aýqymdy jumys óńir tarihynda bolmaǵan.
Elimiz boiynsha bilim nysany eń kóp salynyp jatqan óńir – Túrkistan. Búginde jergilikti biýdjetten 20 mekteptiń qurylysy júrgizilýde. Jyl sońyna deiin 13-i paidalanýǵa beriledi. 2023-2025 jyldary «Jaily mektep» jobasy aiasynda 63 mektep salý kózdelgen. Onyń ishinde 29-y biyl tapsyrylady dep josparlanǵan. Mektep salý baǵytyndaǵy jumys jalǵasady.
Óńirde tozyǵy jetken bilim uialary kóp. Talai jyl boiy qordalanǵan bul máseleni sheshý baǵytynda júieli jospar jasalǵan. Bilim salasynda infraqurylymdy jaqsartý jumystary qarqyndy júrip jatyr. Qazirgi tańda 22 mektep kúrdeli jóndeýden ótýde. Qurylysqa «Aýyl — El besigi» baǵdarlamasy jáne oblystyq biýdjetten jalpy qarjy qaralǵan. 11 mektep 1 qyrkúiekte el igiligine tapsyrylyp, oqýshylardy qabyldaidy dep kútilýde. 200-dei bilim uiymy aǵymdaǵy jóndeýden ótýde. Ǵimarattardyń qurylys sapasy qatań baqylaýda. 106 mekteptiń jylý qazandyqtaryn gaz júiesine aýystyrýǵa da qarjy qaralyp, tiisti jumystar júrgizilýde.
Árbir oqýshynyń bilim alyp, jan-jaqty damýy úshin qolaily jaǵdai jasalýǵa tiis. Sondyqtan da balalar qaýipsizdigi de basty nazarda. Mektepterge 7 myńnan astam beinekameralar ornatylyp, politsiia departamentiniń jedel basqarý ortalyǵyna qosyldy. Memlekettik 938 bilim berý mekemeleri 100% dabyl batyrmasymen qamtylyp, jedel basqarý ortalyǵyna qosyldy. Kásibi kúzet qyzmetimen qamtamasyz etilýi tiis bala sany 300-den joǵary 573 bilim berý uiymdary tolyq litsenziialanǵan kúzet qyzmetine ótti. Oblystaǵy 179 bilim berý uiymynyń 102 shaqyrym qorshaýy jańǵyrtyldy. Mektep aldy kóshelerde jaryqtandyrý júieleri men arnaiy jol belgileri ornatylyldy.
