Almaty oblysynyń ákimi Marat Sultanǵazievtiń "Taza Qazaqstan" jalpyulttyq ekologiialyq aktsiiasymen tuspa–tus kelgen is–sapary Jambyl aýdanynda jalǵasty, - dep habarlaidy Dalanews.kz.
Birqatar áleýmettik nysandardy aralap shyqqan óńir basshysy Uzynaǵash aýylyndaǵy № 1 mektep-litseiine kelip "Óz aǵashyńdy ósir" atty igi sharaǵa qatsyp, mektep oqýshylary men birge aǵash tuqymyn otyrǵyzdy.
"Qadirli ustazdar men oqýshylar! Búgin "Jasyl aimaq" baǵyty boiynsha mektep oqýshylary men ujymdarynyń bastamasymen óńirimizde "Óz aǵashyńdy ósir" atty tuqymnan aǵashty otyrǵyzý aktsiiasy uiymdastyrylyp otyr. Oǵan bilim ordalaryndaǵy 340 myńnan astam oqýshynyń barlyǵynyń qatysýy – onyń jalpy buqaralyq sipatyn kórsetýde. Osy arqyly biz Prezidentimizdiń orman alqabynda 2 milliard, eldi mekenderde 15 million aǵash otyrǵyzý boiynsha tapsyrmasyn oryndaýǵa óz úlesimizdi qosyp otyrmyz. Bul aktsiianyń tárbielik máni óte joǵary. Týyp-ósken jerimizdi, óz ólkemizdi kógaldandyrý, jasyl jelekke oraýǵa múmkindik beredi. Osyndai igi is-sharalar bizdiń aýyzbirshiligimizdi aiqyndap, eldigimizdi kórseteri anyq. Endeshe barlyq atsalysqan jerlesterimiz ben búldirshinderimizge alǵysymdy bildiremin", - dedi Marat Sultanǵaziev.
