Bul týraly brifingte QR Densaýlyq saqtaý ministri Aleksei Tsoi aitty.
Ol elimizdegi mektepterde qashyqtyqtan oqytý formatyn saqtaý májbúrli shara ekenin basa aitty. Uiymdasqan jabyq toptarda infektsiia juǵý qaýpi joǵary. Máselen, eger synypta bir adam koronavirýspen aýyrsa, onda onymen bailanystaǵylardyń sany edáýir artady, bul - naýqastyń synyptastary, muǵalimderi, týystary, dostary jáne t.b.
Densaýlyq saqtaý ministri bilim berýdiń qalypty rejimine oralǵan basqa elderdi mysalǵa keltirdi. Onyń aitýynsha, ondai elderde mektepter infektsiianyń órshýine bailanysty biraz ýaqyttan keiin qaita karantinge jabyla bastaǵan. Mysaly, Germaniia, Angliia, AQSh, Frantsiiadaǵy mektepterde koronavirýstyń onshaquty deregi anyqtalyp, aqyry mektepter karantinge qaita jabylyp jatyr.
Qazaqstan Respýblikasynyń mektepterindegi kezekshi toptarǵa keletin bolsaq, ondaǵy epidemiologiialyq jaǵdai týraly qorytyndy jasaýǵa áli erte, óitkeni 14 kúndik inkýbatsiialyq kezeń áli ótpegen.
Sonymen birge Tsoi jyl saiynǵy JRVI-diń maýsymdyq boi kóterýlerin eske túsirdi.
- Bul shara ýaqytsha bolyp tabylady. 15 qyrkúiekten 15 qazanǵa deiin vaktsinatsiia jasaimyz. Osylaisha, biz tumaý men KVI-men qabattasýyn boldyrmaý úshin halyqtyń osal toptary men balalarǵa, ásirese JRVI-men, tumaýmen jii aýyratyn balalarǵa ekpe salamyz. Bul biz úshin óte mańyzdy, sondyqtan I-toqsandy oqýshylar qashyqtyqtan oqityn bolady. Bolashaqta bizde uiymdasqan toptarda qandai aýrýlar bar ekenin zerttegennen keiin biz bul máseleni qaraý úshin Vedomstvoaralyq komissiiaǵa jiberemiz, sol kezde ony qosymsha qarastyramyz, - dedi ministr.
