Memleket basshysy Qasym-Jomart Toqaev «2022 jyl – Balalar jyly» dep jariialaǵan bolatyn.
Osyǵan orai Ulystyń uly kúni qarsańynda mektep oqýshylary arasynda voleiboldan respýblikalyq týrnir ótti.
Qazaqstan Voleibol federatsiiasy men «Bilim-Innovatsiia» HQQ-nyń uiymdastyrýymen ótken respýblikalyq týrnirde respýblikanyń túkpir-túkpirinen jinalǵan oqýshylar ózara saiysqa tústi.
Respýblikalyq jarys 19 mekteptiń arasynda ótti. Mundai igi is-sharaǵa «Bilim-Innovatsiia» HQQ muryndyq bolyp otyr.
Jasóspirimder arasynda salaýatty ómir saltyn keńinen nasihattalýyna jáne oqýshylar arasyndaǵy dostyq qarym-qatynasty nyǵaitýǵa mundai týrnirler oń áser etpek deidi uiymdastyrýshylar.
«Qazirgi ýaqytta sheteldegi eń myqty JOO balalardyń tek bilim deńgeiine ǵana emes, jan-jaqtylyǵyna basa nazar aýdarady. Sporttaǵy jetistikterine bailanysty sheteldiń eń bedeldi JOO bilim granttaryn jeńip alǵan oqýshylarymyz jeterlik.
Ári bul úlken motivatsiia. «Bilim-Innovatsiia» HQQ-na qarasty litsei oqýshylary tek bilim olimpiadalarynda ǵana jetistikke jetken joq. Tekbol, fýtbol, tekvando, qazaq kúresi siiaqty qalalyq, respýblikalyq jarystardan júldeli oryndardy ielendi.
Salaýatty ómir salty mektepterdi óte joǵary deńgeide nasihattalady. Ózderińizge málim, biyl «Balalar jyly» dep jariialandy.
Jyl sońyna deiin respýblikalyq deńgeidi birneshe is-sharany ótkizýdi josparlap otyrmyz», – dedi «Bilim-Innovatsiia» HQQ vitse-prezidenti Nurbol Tólebaev.
Eki kúnge sozylǵan respýblikalyq týrnirde Almaty BIL oqýshylary bas júldeni jeńip aldy. «Aýyspaly kýbokke» qol jetkizgen Almaty BIL komandasynyń oiynshysy Ali Tursyn jarystan alǵan áserin bólisti.
«Árine, qýanyshymda shek joq. Bul – uiymshyl ári myqty komandanyń jeńisi. Byltyr osy kýbokty pavlodarlyq oqýshylar jeńip alǵan. Biyl Táýelsizdiktiń besigi – Almatyǵa qaitaryp aldyq. Ustazdaryma, bapkerime, uiymdastyrýshylarǵa alǵys aitamyn. Oqýshylar arasynda tek oi(bilim) jarys qana emes, sportakiadalar da ótip turǵany durys. Deneniń saýlyǵy bárinen mańyzdy ǵoi. Ata-analarymyz qýanyp qalatyn boldy», – dedi Ali Tursyn.
Respýblikalyq týrnirdiń nátijesi boiynsha:
1-oryn: Almaty BIL
2-oryn: Ekibastuz BIL
2-oryn: Taraz BIL
3-oryn: Óskemen qalasyndaǵy Jambyl atyndaǵy gimnaziia
3-oryn: Shymkent BIL
3-oryn: Jambyl Innovatsiialyq Joǵarǵy Kolledj
Qyzdar arasynda ótken jarysta qyz balalarǵa Shymkent BIL bas júldeni ielendi. Jarys nátijesi tómendegidei:
1-oryn: Shymkent BIL
2-oryn: Taraz BIL
2-oryn: Nur-Sultan BIL
3-oryn: Pavlodar BIL
3-oryn: Aqtóbe BIL
3-oryn: Aqtóbe BIL
3-oryn: Qaraǵandy BIL
Sondai-aq týrnir sońynda úzdik oiynshylar da marapattaldy.
«Úzdik tosqaýylshy» – Arlen Baibosyn
«Úzdik úlestirýshi» – Serik Tamerlan
«Úzdik shabýylshy» – Inaiatýlla Muhammet
«Úzdik oiynshy» – Asylbai Baǵjan
«Úzdik bapker» – Danabek Qýatbai
