OQO sportshylary segiz aida 1153 medal jeńip aldy
Sonymen qatar, óńirdegi buqaralyq sporttyń damýy týraly baiandaǵan basqarma basshysy biylǵy 8 aidyń qorytyndysy boiynsha osy maqsatta oblys aýmaǵynda jalpy 3060 sporttyq is-sharalar ótkizilip, oǵan 360 myńnan asa adam qamtylǵanyn atap ótti.
– Búgingi tańda oblysta sporttyń 63 túri damytylyp keledi. Al dene shynyqtyrý men sportty damytý baǵytynda 87 memlekettik sport mekemelerinde sport túrleri boiynsha 2400-ge jýyq jattyqtyrýshylar quramy 54 myń sportshymen kúndelikti oqý-jattyǵý jumystaryn júrgizýde. Jyl basynan beri óńirde dene shynyqtyrý jáne sportpen turaqty túrde shuǵyldanýshylar sany 738,3 myńǵa jýyq adamdy qurap, oblystaǵy barlyq jastaǵy halyqtyń sportpen qamtylýy 25,8 paiyzǵa jetti. 2016 jyly bul kórsetkish – 23,2 paiyzdy quraǵan edi. Jyl sońyna deiin turaqty shuǵyldanýshylar sanyn 26,0 paiyzǵa jetkizý josparlanyp otyr, – dedi Á.Nurtaev.
Spikerdiń málimetinshe, 2017-2018 jyldary aralyǵynda oblystyq biýdjet esebinen jalpy quny 700 mln. teńgeni quraityn 2 dene shynyqtyrý-saýyqtyrý keshenderi salynady. Jalpy búgingi tańda oblysta 5369 sport nysandary tirkelgen.
OQO ákiminiń baspasóz qyzmeti
