سونىمەن قاتار، وڭىردەگى بۇقارالىق سپورتتىڭ دامۋى تۋرالى بايانداعان باسقارما باسشىسى بيىلعى 8 ايدىڭ قورىتىندىسى بويىنشا وسى ماقساتتا وبلىس اۋماعىندا جالپى 3060 سپورتتىق ءىس-شارالار وتكىزىلىپ، وعان 360 مىڭنان اسا ادام قامتىلعانىن اتاپ ءوتتى.
– بۇگىنگى تاڭدا وبلىستا سپورتتىڭ 63 ءتۇرى دامىتىلىپ كەلەدى. ال دەنە شىنىقتىرۋ مەن سپورتتى دامىتۋ باعىتىندا 87 مەملەكەتتىك سپورت مەكەمەلەرىندە سپورت تۇرلەرى بويىنشا 2400-گە جۋىق جاتتىقتىرۋشىلار قۇرامى 54 مىڭ سپورتشىمەن كۇندەلىكتى وقۋ-جاتتىعۋ جۇمىستارىن جۇرگىزۋدە. جىل باسىنان بەرى وڭىردە دەنە شىنىقتىرۋ جانە سپورتپەن تۇراقتى تۇردە شۇعىلدانۋشىلار سانى 738،3 مىڭعا جۋىق ادامدى قۇراپ، وبلىستاعى بارلىق جاستاعى حالىقتىڭ سپورتپەن قامتىلۋى 25،8 پايىزعا جەتتى. 2016 جىلى بۇل كورسەتكىش – 23،2 پايىزدى قۇراعان ەدى. جىل سوڭىنا دەيىن تۇراقتى شۇعىلدانۋشىلار سانىن 26،0 پايىزعا جەتكىزۋ جوسپارلانىپ وتىر، – دەدى ءا.نۇرتايەۆ.
سپيكەردىڭ مالىمەتىنشە، 2017-2018 جىلدارى ارالىعىندا وبلىستىق بيۋدجەت ەسەبىنەن جالپى قۇنى 700 ملن. تەڭگەنى قۇرايتىن 2 دەنە شىنىقتىرۋ-ساۋىقتىرۋ كەشەندەرى سالىنادى. جالپى بۇگىنگى تاڭدا وبلىستا 5369 سپورت نىساندارى تىركەلگەن.
وقو اكىمىنىڭ باسپا ءسوز قىزمەتى
