OQO-nyń áleýmettik salalaryna «KATKO» jyl saiyn 300 mln. teńge bóletin boldy
Basqosýda qos tarap biznestiń áleýmettik jaýapkershiligi sheńberinde óńirimizdiń áleýmettik salalaryn qarjylandyrý jónindegi memorandýmǵa qol qoidy. Ákimdik tarapynan júrgizilgen kelissózderdiń nátijesinde, «KATKO» birlesken kásiporyny jyl saiyn oblystyń áleýmettik salalaryna 300 mln. teńge kóleminde qarjy bólip otyratyn bolady.
Sonymen qatar, memorandým túzý sharasy aiasynda ýran óndiretin kásiporyn qajetti taýarlardy otandyq taýar óndirýshilerden satyp alýǵa nietti ekenin bildirdi.
Aita keteiik, buǵan deiin atalǵan kompaniia óńirdegi áleýmettik salalarǵa 150 mln. teńge kóleminde qarjylai kómek berip kelgen bolatyn.
«KATKO» Qazaqstan-Frantsýz birlesken kásiporyny» JShS-i Sozaq aýdanyndaǵy «Moiynqum» keninde bastap ýran óndirýmen ainalysatyn kásiporyn.
Jylyna 4 myń tonnaǵa deiin ýran óndiretin kompaniia ótken 2016 jyly qazynaǵa 22,6 mlrd. teńgeni quraityn salyq quiǵan. Munan bólek, oblys turǵyndaryn turaqty jumyspen qamtyp, sol mańaidaǵy eldi mekenderdiń áleýmettik máselesine kóńil bólip kelgen. Atalǵan kompaniiada búginde 1276 azamat eńbek etse, onyń 1246-sy qazaqstandyqtar, al onyń 899-y, iaǵni, 72 paiyzy ońtústikqazaqstandyqtar.
OQO ákiminiń baspasóz qyzmeti
