باسقوسۋدا قوس تاراپ بيزنەستىڭ الەۋمەتتىك جاۋاپكەرشىلىگى شەڭبەرىندە ءوڭىرىمىزدىڭ الەۋمەتتىك سالالارىن قارجىلاندىرۋ جونىندەگى مەموراندۋمعا قول قويدى. اكىمدىك تاراپىنان جۇرگىزىلگەن كەلىسسوزدەردىڭ ناتيجەسىندە، «كاتكو» بىرلەسكەن كاسىپورىنى جىل سايىن وبلىستىڭ الەۋمەتتىك سالالارىنا 300 ملن. تەڭگە كولەمىندە قارجى ءبولىپ وتىراتىن بولادى.
سونىمەن قاتار، مەموراندۋم ءتۇزۋ شاراسى اياسىندا ۋران وندىرەتىن كاسىپورىن قاجەتتى تاۋارلاردى وتاندىق تاۋار وندىرۋشىلەردەن ساتىپ الۋعا نيەتتى ەكەنىن ءبىلدىردى.
ايتا كەتەيىك، بۇعان دەيىن اتالعان كومپانيا وڭىردەگى الەۋمەتتىك سالالارعا 150 ملن. تەڭگە كولەمىندە قارجىلاي كومەك بەرىپ كەلگەن بولاتىن.
«كاتكو» قازاقستان-فرانسۋز بىرلەسكەن كاسىپورىنى» ءجشس-ى سوزاق اۋدانىنداعى «مويىنقۇم» كەنىندە باستاپ ۋران وندىرۋمەن اينالىساتىن كاسىپورىن.
جىلىنا 4 مىڭ تونناعا دەيىن ۋران وندىرەتىن كومپانيا وتكەن 2016 جىلى قازىناعا 22،6 ملرد. تەڭگەنى قۇرايتىن سالىق قۇيعان. مۇنان بولەك، وبلىس تۇرعىندارىن تۇراقتى جۇمىسپەن قامتىپ، سول ماڭايداعى ەلدى مەكەندەردىڭ الەۋمەتتىك ماسەلەسىنە كوڭىل ءبولىپ كەلگەن. اتالعان كومپانيادا بۇگىندە 1276 ازامات ەڭبەك ەتسە، ونىڭ 1246-سى قازاقستاندىقتار، ال ونىڭ 899-ى، ياعني، 72 پايىزى وڭتۇستىكقازاقستاندىقتار.
وقو اكىمىنىڭ باسپا ءسوز قىزمەتى
